22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
ՄԱԿ-ի գլխավոր քարտուղարը դատապարտել է Հյուսիսային Կորեայի կողմից բալիստիկ հրթիռի արձակումը
Քաղաքականություն
16.05.2017 | 11:15
ՄԱԿ-ի գլխավոր քարտուղար Անտոնիու Գուտերեշը դատապարտել է Հյուսիսային Կորեայի կողմից բալիստիկ հրթիռի արձակումը` Փհենյանին կոչ է անելով հետևել իր ստանձնած միջազգային պարտավորություններին ու վերադառնալ միջուկային զինաթափման ուղուն. հայտնում է «Ինտերֆաքսը»:
«Գլխավոր քարտուղարը դատապարտում է Հյուսիսային Կորեայի կողմից հերթական բալիստիկ հրթիռի արձակումը: Նման գործողությունները խախտում են Անվտանգության խորհրդի բանաձևերը, ինչպես նաև սպառնում են տարածաշրջանի խաղաղությանն ու անվտանգությանը»,- ասված է ՄԱԿ-ի լրատվական ծառայության տարածած հաղորդագրությունում:
Հիշեցնենք, որ Հյուսիսային Կորեայի իշխանությունները բալիստիկ հրթիռ էին արձակել, որն ընկել էր ՌԴ ափերից ոչ հեռու: Հաղորդվել էր, որ բալիստիկ հրթիռը մեծ մարտագլխիկ կրելու հնարավորություն ունի:
