17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Ազգային մեծ ավիաընկերություն ստեղծելու տեսլական ունե՞ք․ Արման Բաբաջանյանը՝ Տաթևիկ Ռևազյանին. ՏԵՍԱՆՅՈՒԹ
Քաղաքականություն
03.12.2019 | 14:32
ԱԺ-ն քննարկում է Քաղաքացիական ավիացիայի կոմիտեի մշակած օրենքի նախագիծը, որով առաջարկվում է օդի տուրքից ազատել նոր ուղղություններով չվերթով մեկնող անձանց:
«Լուսավոր Հայաստան» խմբակցության պատգամավոր Արման Բաբաջանյանը, դիմելով Քաղաքացիական ավիացիայի կոմիտեի նախագահ Տաթևիկ Ռևազյանին, հետաքրքրվեց՝ արդյո՞ք ազգային մեծ ավիաընկերություն ստեղծելու տեսլական ունեն։
«Ցանկացած որոշում կայացնելիս պետք է հաշվի առնենք, որ երկիրը գտնվում է փաստացի պատերազմում և մեզ համար կենսական կարևոր է օդային հաղորդակցությունը։ Մենք անընդհատ ազգային փոխադրողների մասին ենք խոսում, բայց պետք է հասկանանք, որ բաց երկնքի քաղաքականության և այդ ընկերությունների առաջացման հետ կարող են որոշակի հակասություններ առաջանալ։ Այստեղ պետության պարտավորությունն է այդ քաղաքականության հետ առանց հակասության մեջ մտնելու ազգային մեծ ավիաընկերության զարգացմանը նպաստել։ Տեսլական ունե՞նք՝ աջակցել ոչ թե փոքր, այլ մեծ ավիաընկերության ստեղծմանը»,- հետաքրքրվեց Բաբաջանյանը։
Հիշեցնենք, որ ԱԺ-ն քննարկում է «Պետական տուրքի մասին» Հայաստանի Հանրապետության օրենքում լրացում կատարելու մասին օրենքի նախագիծը։
Մանրամասները՝ տեսանյութում։
