07.11.2026 | 23:25
Նիկոլ Փաշինյանը իր կործանարար քաղաքականությամբ միավորեց ամբողջ ընդդիմությանը. Լևոն Զուրաբյան. ՏԵՍԱՆՅՈՒԹ
Գևորգ Կոստանյանը վախենալու բան ունի, որ չի գալիս Հայաստան․ Վահագն Հովակիմյան. ՏԵՍԱՆՅՈՒԹ
Քաղաքականություն
02.12.2019 | 18:57
Նախկինում Ազգային ժողովի պատգամավորների մեծ մասի համար աշխատավարձը ոչինչ է եղել, իսկ հիմա աշխատավարձով ապրող խորհրդարան ունենք։ Այդ մասին factor.tv-ի զրույցում ասել է ԱԺ «Իմ քայլը» խմբակցության պատգամավոր Վահագն Հովակիմյանը։
Նա կարծում է, որ վերջին 10 ամսում 14 անգամ պարգևավճարի ստացումը նորմալ է, քանի որ այժմ պատգամավորները, պահումները հանված, ստանում են 470 հազար դրամ աշխատավարձ։ Իսկ պատգամավորը պետք է կենցաղային խնդիրներից զերծ լինի, որպեսզի կարողանա լիարժեք օրենսդրական գործունեությամբ զբաղվել։
Խոսելով նախկին գլխավոր դատախազ Գևորգ Կոստանյանի՝ ՌԴ-ից Հայաստան չվերադառնալու և իրավապահներին չներկայանալու մասին՝ Հովակիմյանն ասել է․ «Գևորգ Կոստանյանը վախենալու բան ունի, որ չի գալիս Հայաստան։ Իսկ եթե մարդը ոչինչ չի արել, կգա ու կխոսի»։
Պատգամավորը վստահ է՝ եթե անգամ Կոստանյանը որևէ հանցանք չի կատարել, նա կարող է դա ապացուցել այստեղ։
Զրույցն ամբողջությամբ՝ տեսանյութում:
