27.09.2026 | 11:23
Ռուբեն Վարդանյանի գերության 3 տարին․ ձերբակալություն, դատավարություն, դատավճիռ
Ապշած եմ, որ նման գիտելիքներով մարդը նախարար է աշխատում․ Մարուքյանն՝ Արսեն Թորոսյանի մասին. ՏԵՍԱՆՅՈՒԹ
Քաղաքականություն
02.12.2019 | 17:30
ԱԺ «Լուսավոր Հայաստան» խմբակցության ղեկավար Էդմոն Մարուքյանն արձագանքել է առողջապահության նախարար Արսեն Թորոսյանի՝ առողջության ապահովագրության վերաբերյալ ֆեյսբուքյան գրառմանը։
«Առողջապահության նախարարը կարդացել է իմ հարցազրույցի վերնագիրը, զարմանում եմ, որ նա ամբողջական հարցազրույց չի կարդում, հետո՝ արձագանքում։ Ես ասել եմ, որ խմբակցությունը դեռ վերջնական որոշում չունի, բայց ես իմ կարծիքն ասել եմ, որ դա ևս 6 տոկոս բեռ է աշխատող մարդկանց վրա»,- ասել է Մարուքյանը։
Հիշեցնենք, որ Թորոսյանը ֆեյսբուքյան էջում նշել էր, որ ընդդիմադիր խմբակցություններից մեկը դեմ է առողջության համապարփակ ապահովագրությանը և իրենք կա՛մ տրվել են մանիպուլյացիաներին, կա՛մ հենց իրենք են մանիպուլացնում։ Նախարարը շեշտել էր նաև, որ ընդդիմադիրներն այլ կարևոր բան ամբողջ համակարգի մեջ, քան հարկատեսակի ներդրումն է, չեն տեսնում։
Մարուքյանի խոսքով՝ Թորոսյանն ուզում է երևալ որպես ամենաշատ ռեֆորմ առաջարկող նախարար, բայց դա չի նշանակում, որ ամեն առաջարկ լավն է և ընդունելի։ Մարուքյանն անդրադարձել է նաև Թորոսյանի գրառման այն հատվածին, որտեղ նա նշել էր, թե ընդդիմություն է ուզում․ «Եթե ինքը մտածում է, որ ընդդիմությունը նախագծեր դակող ուժ է, ապա շատ խորը թյուրըմբռնում ունի ընդդիմության վերաբերյալ։ Ես ապշած եմ, որ նման գիտելիքներով մարդը նախարար է աշխատում»։
Մանրամասները՝ տեսանյութում:
