17.11.2024 | 21:00
Ի՞նչ գույն ունի գինին անապատում. ապաքաղաքական զրույց Ավագ Հարությունյանի հետ. ՏԵՍԱՆՅՈՒԹ
Տ․ Մուկուչյանին, Ա․ Ջավադյանին, Լ․ Յոլյանին, Մ․ Ասլանյանին, Ս․ Բալասանյանին վստահո՞ւմ եք․ Էդմոն Մարուքյան. ՏԵՍԱՆՅՈՒԹ
Քաղաքականություն
02.12.2019 | 15:25
Պետաիրավական հանձնաժողովի նիստի ժամանակ «Լուսավոր Հայաստան» խմբակցության ղեկավար Էդմոն Մարուքյանն անդրադարձավ մի քանի հարցերի։
Մասնավորապես, նա ասաց․ «Դուք նշում եք և այստեղ էլ է գրված, որ ժողովուրդը չի վստահում Սահմանադրական դատարանին, Հրայր Թովմասյանին և բազմաթիվ հայտարարություններով Դուք նաև նշել եք, որ նրանք հեղափոխությունից հետո մնացել են որպես նախկին իշխանությունների նշանակած մարդիկ, նրանց ծառայություն մատուցած մարդիկ, ժողովուրդը չի վստահում, 630 մլն դրամ եկեք տանք, այդ մարդիկ գնան տուն։ Հիմա ես հարց ունեմ՝ Ձեր իշխանությունը և ժողովուրդը վստահո՞ւմ է Կենտրոնական ընտրական հանձնաժողովի նախագահ Տիգրան Մուկուչյանին, Կենտրոնական բանկի նախագահ Արթուր Ջավադյանին, Հաշվեքննիչ պալատի նախագահ, Սերժ Սարգսյանի ընկեր Լևոն Յոլյանին, Վանաձորի քաղաքապետ Մամիկոն Ասլանյանին, Գյումրու՝ կեղծիքով ընտրված քաղաքապետ Սամվել Բալասանյանին, ցանկը կարող եմ շարունակել»։
«Իմ քայլը» խմբակցության պատգամավոր Սուրեն Գրիգորյանն, անդրադառնալով Մարուքյանի բարձրացրած հարցերին, նկատեց, որ հնչեցված հարցերը սույն նախագծի քննարկման հետ կապ չունեն։
«Անձանց վերաբերյալ վստահության վրա չէ խարսխված այս նախագծի էությունը։ Մեզ պետք է անկախ Սահմանադրական դատարան»,- ընդգծեց Սուրեն Գրիգորյանը։
Հիշեցնենք, որ ՀՀ կառավարությունն առաջարկել է «Հանրային ծառայության մասին և կից օրենքներում փոփոխություններ ու լրացումներ կատարելու մասին» օրենսդրական նախաձեռնությունների փաթեթը, որն էլ հանձնաժողովի այսօրվա օրակարգում է:
Մանրամասները՝ տեսանյութում։
