17.11.2024 | 18:22
Երևանում կկայանա աշխարհահռչակ շանսոնյե Շառլ Ազնավուրին նվիրված «Մսյո Ազնավուր» ֆիլմի պրեմիերան
«Ն և Ս Քոնսթրաքշն ՍՊԸ-ն «Կամազներ» նվիրելուց առաջ շինթույլտվություն է ստացել. քաղաքապետի խոսնակ. ՏԵՍԱՆՅՈՒԹ
Հասարակություն
28.11.2019 | 16:24
Այն կազմակերպությունը, որը մեքենաներ է նվիրաբերել Երևանի քաղաքապետարանին, այո՛, շինթույլտվություն ստացել է: Այս մասին այսօր՝ նոյեմբերի 28-ին, լրագրողների հետ հանդիպման ժամանակ նշեց Երևանի քաղաքապետի մամուլի խոսնակ Հակոբ Կարապետյանը՝ անդրադառնալով դիտարկմանը, որ Երևանի «Լույս» խմբակցության ղեկավար Դավիթ Խաժակյանը հայտարարել է, որ քաղաքապետարանը «ԿամԱԶ»-ները նվեր է ընդունել «Ն և Ս Քոնսթրաքշն» ընկերությունից, և դա արել է շինթույլտվությունների դիմաց:
Նրա խոսքով, այն 5 ընկերությունների մեջ, որոնց հետ նվիրատվության պայմանագրերը հրապարակվել են, կան ընկերություններ, որոնք նվիրատվությունից առաջ քաղաքապետարանից շինթույլտվություն ստացել են:
«Ունենք նաև կազմակերպություններ, որոնք որևէ առնչություն չեն ունեցել: Օրինակ, «Ն և Ս Քոնսթրաքշն ՍՊԸ-ն շինարարությամբ է զբաղվում: Նա շինթույլտվությունը ստացել է նվիրատվությունից զգալի ժամանակ առաջ»,- ասաց Հակոբ Կարապետյանը:
Մանրամասները՝ տեսանյութում:
Նարեկ Կիրակոսյան
