10.12.2025 | 20:30
«Փաշինյանն ապօրինի միջամտում է». ՀԿ-ները դատապարտում են եկեղեցու հետ կապված վարչապետի քայլերը. ՏԵՍԱՆՅՈՒԹ
Համակարգն այնպիսին է, որ կոռուպցիոն ռիսկը նվազագույնի է հասցրած․ Ջանջուղազյանը՝ Արշակյանին. ՏԵՍԱՆՅՈՒԹ
Տնտեսություն
28.11.2019 | 16:13
Կառավարության նիստի ժամանակ ֆինանսների նախարար Ատոմ Ջանջուղազյանը ներկայացրեց Պետական ֆինանսների կառավարման համակարգի 2019-2023 թվականների բարեփոխումների ռազմավարությունը և պետական ֆինանսների կառավարման համակարգի բարեփոխումների 2019-2023 թվականների գործողությունների ծրագիրը։
ՀՀ բարձր տեխնոլոգիական արդյունաբերության նախարար Հակոբ Արշակյանը հետաքրքրվեց կոռուպցիոն ռիսկերի կանխարգելման, որոշումների կայացման և պատասխանատվության ճկունության համադրության մասին։
«Խոսքը վերաբերում է բարձրաստիճան քաղաքական պաշտոնյաներին։ Այսօրվա դրությամբ օրենսդրական իրավիճակը, կարգավորումներն այնպիսին են, որ պաշտոնյան երբ որ նշանակվում է, արդեն կանխակալ մտածողություն կա, որ այս պաշտոնյան կարող է լինել կոռուպցիոներ։ Դա սահմանափակումներ է դնում պաշտոնյայի վրա, և ամեն քայլափոխի իրավաբանին հարցնում ես՝ խախտումներ կա՞ն, թե՝ ոչ»,- նկատեց Արշակյանը։
Ջանջուղազյանն էլ նկատեց, որ համակարգն այնպիսին է, որ կոռուպցիոն ռիսկը նվազագույնի է հասցրած կամ չեզոքացված է։
Մանրամասները՝ տեսանյութում։
