14.07.2026 | 23:29
Հանրապետության որոշ հասցեներում էլեկտրամատակարարումը կդադարեցվի
Հայկ Մարությանը՝ Ծաղիկ Ռուբոյին. Կառուցապատումը լավ բան է, բայց ոչ քաղաքի հաշվին. ՏԵՍԱՆՅՈՒԹ
Տնտեսություն
26.11.2019 | 15:34
Երևանի քաղաքապետ Հայկ Մարությանն այսօր անդրադարձավ ԲՀԿ-ական նախկին պատգամավոր «Ծաղիկ Ռուբոյի»՝ Ռուբեն Գևորգյանի դստեր ընկերության կողմից նախկին «Դեյզի» այգու տարածքում շենքի կառուցման թույլտվության չտալու հարցին։
Քաղաքապետարանը, հիշեցնենք, կասկածներ ունի տարածքի սեփականշնորհման օրինականության վերաբերյալ և փաստաթղթերն ուղարկել է իրավապահ մարմիններին։
«Այգու տարածքում մեծ փոսորակ է և, բնականաբար, այս տիպի հարցերը՝ անկախ անձերից, ինձ անձերը չեն հետաքրքրում, այլ երևույթը… Ես չեմ կարող թույլ տալ մի տեղ կառուցապատում լինի, որտեղ կար այգի, հետո այդ այգին անհասկանալի պատճառներով նախ դարձել է մեկի սեփականությունը, պատահական մարդու սեփականություն չի դարձել, այլ պաշտոնատար անձի բարեկամի, այս դեպքում՝ դստեր: Այս գործերն իմ կողմից ուղարկվել են իրավապահներին՝ տեսնելու, կա՞ն օրենքի խախտումներ։ Եթե իրավապահներն ինձ ասում են՝ պարոն քաղաքապետ, այստեղ ոչ մի խնդիր չկա, մենք նոր գնում ենք առաջ։ Սեփականաշնորհումը հասկացանք, բայց եթե նույնիսկ սեփական այգի է, ինքն իրավունք ունե՞ր դա քանդելու»,- ասաց Մարությանը։
Մանրամասները՝ տեսանյութում:
Ռոբերտ Անանյան
