08.12.2025 | 15:00
Փաշինյանը՝ «եկեղեցու նորոգման մասին» // Միքայել արքեպիսկոպոսը, ըստ պատգամավորի, պետք է վիրահատվի․ ԼՈՒՐԵՐ
Զագրեբի ելույթը Սերժ Սարգսյանի խոստացված ելույթը չէր, նա ուղղակի խոսելու է նաև Հայաստանում. Արմեն Աշոտյան
Քաղաքականություն
23.11.2019 | 13:16
ՀՀԿ փոխնախագահ Արմեն Աշոտյանը Զագրեբում ՀՀ երրորդ նախագահ Սերժ Սարգսյանի հետ ԵԺԿ գագաթնաժողովին մասնակցելուց հետո, այժմ ՀՀԿ պատվիրակությամբ Գերմանիայում մասնակցում է Քրիստոնյա- դեմոկրատական միության համագումարին:
Աշոտյանը ֆեյսբուքյան ուղիղ հեռարձակմամբ խոսել է Սերժ Սարգսյանի զագրեբյան ելույթից՝ այն որակելով որպես շատ անկեղծ, խորունկ ու բովանդակային ելույթ, ապա պատասխանել օգտատերերի հարցերին:
Օգտատերերին ամենաշատը հետաքրքրող հարցն այն էր, թե արդյոք սա հանրապետականների անոնսավորված ու վաղուց խոստացված ելո՞ւյթն էր:
«Միանգամից ասեմ, որ ոչ, սա այդ ելույթը չէ: Սերժ Սարգսյանը խոսելու է հայ հասարակության, հայ ժողովրդի հետ, լրատվամիջոցների մասնակցությամբ, դա տեղի կունենա, գիտեմ հոգնել եք այդ ձևակերպումից, բայց շուտով: Այսինքն, զագրեբյան ելույթը, ժողովրդական լեզվով ասած, չի կտրում Սերժ Սարգսյանի խոստումը»,- պատասխանեց Աշոտյանը:
