06.04.2026 | 23:30
Հրդեհ Թաիրով բնակավայրում. այրվել է ավտոմեքենա
ՀՀԿ-ի հանցավոր ռեժիմը ահաբեկել ու կեղեքել է ժողովրդին՝ ահաբեկիչները խոսում են ահաբեկչությունից. Ժիրայր Սեֆիլյան. ՏԵՍԱՆՅՈՒԹ
Քաղաքականություն
22.11.2019 | 16:38
Կարծում եմ՝ այն հայտարարությունը, որ Սերժ Սարգսյանը Արցախից դուրս որևէ այլ սեփականություն չունի, շատերի մոտ քմծիծաղ է առաջացնում։ Այս մասին այսօր՝ Factor.am-ի հետ զրույցում նշեց «Սասնա Ծռեր» կուսակցության հիմնադիր անդամ Ժիրայր Սեֆիլյանը՝ անդրադառնալով երեկ «Սասնա Ծռերի» տարածած հաղորդագրության վերաբերյալ Սերժ Սարգսյանի գրասենյակից հնչած պատասխանին։
«Մեր գնահատականն այդ հանցագործ կազմակերպության նկատմամբ տարիներ շարունակ բարձրաձայնել ենք։ Նախորդ ռեժիմը՝ ՀՀԿ-ի հանցավոր գլխավորությամբ, երկար տարիներ ահաբեկել, կեղեքել է մեր ժողովրդին։ Ահաբեկիչներն ահաբեկչությունից են խոսում»,- ասաց Սեֆիլյանը։
Անդրադառնալով Սերժ Սարգսյանի՝ ԵԺԿ ելույթին, «Սասնա Ծռեր» շարժման ղեկավար անդամն ընդգծեց․ «Եթե նկատել եք՝ վերջին մի քանի ամիսներին շատացել էին խոսակցությունները նրա ձերբակալման մասին։ Իմ համոզմամբ՝ նա փորձում է իր կաշին փրկել և, դժբախտաբար, առայժմ, կարծես, ստացվում է՝ գործող իշխանությունների սխալ մարտավարության պատճառով»։
Խոսելով Ամուլսարի հարցից, Ժիրայր Սեֆիլյանն ընդգծեց․ «Մենք համոզված ենք, որ այդ հարցում հայ ազգի մոտ կոնսենսուս է, և որ Ամուլսարը պիտի մնա սար։ Քիչ հարցերում է հայ ազգի մոտ կոնսենսուս լինում, և սա այդ հարցերից է»։
Մանրամասները՝ տեսանյութում։
Ռոբերտ Անանյան
