08.12.2025 | 22:18
Սևանա լճի մակարդակը դեկտեմբերի 1-7-ն իջել է 1 սմ-ով
«Ես երկար ժամանակով չէի եկել». Արթուր Վանեցյանը հրաժարական տվեց ՀՖՖ նախագահի պաշտոնից. ՏԵՍԱՆՅՈՒԹ
Քաղաքականություն
21.11.2019 | 18:24
ՀՖՖ նախագահի պաշտոնից հրաժարական եմ տվել: Այս մասին այսօր ՀՖՖ հերթական նիստի ավարտից հետո լրագրողների հետ զրույցում հայտարարեց ՀՖՖ նախագահ Արթուր Վանեցյանը։
«Այսօր տեղի ունեցավ Ֆուտբոլի ֆեդերացիայի հերթական նիստը։ Նիստին մասնակցել են գործկոմի, գրեթե, բոլոր անդամները, ունեինք մեկ բացկա։ Գործկոմի նիստը նվիրված էր հայկական ֆուտբոլում ստեղծված իրավիճակի հարցերի քննարկմանը։ Բոլորդ գիտեք, որ մեր հավաքականն Իտալիայում աննախադեպ պարտություն կրեց, որն իրականում մեզ համար շատ մտահոգիչ էր։ Եվ պետք էր այդ հարցի լուծումները տրվեին։ Քննարկման արդյունքում ես՝ որպես ՀՖՖ նախագահ, գործկոմի անդամներին առաջարկեցի ընդունել իմ հրաժարականի դիմումը»,- ընդգծեց Վանեցյանը։
Վերջինս նկատեց, որ երբ ինքն ընտրվեց Ֆուտբոլի ֆեդերացիայի նախագահ, դեռ այդ ժամանակ հայտարարեց, որ երկար ժամանակով չի եկել այս պաշտոնին։
«Ես ասացի, որ ես և գործկոմի անդամները եկել ենք այս կառույց մեկ նպատակով՝ առողջացնել կառույցը և զբաղվել ֆուտբոլի առողջացմամբ։ Եվ այս գործընթացը դրա տրամաբանական ավարտն է։ Դեկտեմբերի 23-ին մենք կունենանք նոր նիստ և կունենանք ՀՖՖ նոր նախագահ»,- ասաց նա։
Վանեցյանը վստահեցրեց, որ իր հարաբերությունները գործկոմի անդամների հետ լարված չեն և կոչ արեց չքաղաքականացնել իր հրաժարականը։
Նա ասաց, որ իր նախաձեռնությամբ է առաջարկել թողնել ՀՖՖ նախագահի պաշտոնը։
