17.11.2024 | 19:53
Հայաստանի հավաքականը 1:2 հաշվով հաղթեց Լատվիայի թիմին
ՀՀ-ում կրթությունը և գիտությունը վաղուց գտնվում են համակարգային ճգնաժամի մեջ»․ ազգագրագետ
Հասարակություն
21.11.2019 | 14:25
ՀՀ-ում և՛ կրթությունը, և՛ գիտությունը, վաղուց ի վեր, համակարգային ճգնաժամի մեջ են գտնվում։ Հետևաբար, դրանից դուրս գալու լուծումները համակարգային պետք է լինեն։ Այս մասին այսօր՝ «Բարձրագույն կրթության և գիտության մասին» օրենքի նախագիծ․ ի՞նչն այն չէ, ինչո՞ւ է ուշանում» թեմայով քննարկման ընթացքում նշեց ազգագրագետ Մխիթար Գաբրիելյանը։
Նրա կարծիքով՝ Բարձրագույն կրթության և գիտության մասին օրենքը պետք է լիներ վերջին փաստաթուղթը, որը կբերվեր հրապարակային քննարկման։ «Որպես մասնագետ՝ ես պետք է ունենայի նախարարության և համապատասխան փորձագիտական խմբերի գիտականորեն հիմնավորված, հրապարակային տեքստերն առ այն, որ համակարգային ճգնաժամի լուծման լավագույն տարբերակը Բարձրագույն կրթության և գիտության ինտեգրացիայի այն մոդելն է, որն առաջարկվում է։ Ես պետք է տեսնեի ճանապարհային քարտեզ, որտեղ հստակ պետք է երևար, թե ինչ ենք մենք ունենալու 10-15 տարի հետո, և առաջարկվող փոփոխություններն ինչպես են դրան նպաստելու։ Դա պետք է լիներ թվերով, փաստերով, բյուջեով, ժամանակացույցով հիմնավորված։ Եթե այդ փաստաթղթերը կան, ապա ես կարծում եմ, որ գիտական հանրության ներկայացուցիչների մի հիմնական մասը դրանք չեն տեսել»,- ասաց Գաբրիելյանը։
Մանրամասները՝ տեսանյութում։
Նելլի Մելքոնյան
