08.12.2025 | 20:35
Սևանի տարածաշրջանի ավտոճանապարհներին մառախուղ է
Մանվել Գրիգորյանը իր գործով նիստին մի քանի րոպե մասնակցեց․ ինքնազգացողությունը վատացավ, տեղափոխեցին հիվանդանոց
Հասարակություն
19.11.2019 | 15:04
Երևանի ընդհանուր իրավասության դատարանի Կենտրոն և Նորք-Մարաշ վարչական շրջանների նստավայրում այսօր շարունակվեց ԱԺ նախկին պատգամավոր Մանվել Գրիգորյանի գործով դատական նիստը։
Գրիգորյանն այսօր մասնակցում էր դատական նիստին, սակայն նրա ինքնազգացողության վատացման պատճառով դատական նիստը դեռ չսկսված ընդմիջվեց։
Ամբաստանյալին շտապօգնության աշխատակիցները դուրս հանեցին նիստերի դահլիճից։
Ընդմիջումից հետո դատարանը հայտնեց, որ Գրիգորյանին կրկին տեղափոխել են քաղաքացիական հիվանդանոց։
Հիշեցնենք, որ Մանվել Գրիգորյանը մեղադրվում է ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու համար:
Նազիկ Ամիրյանը մեղադրվում է ամուսնու, որդու՝ Արման Գրիգորյանի և քննությամբ չպարզված այլ անձանց հետ նախնական համաձայնությամբ ապօրինի կերպով իրենց պատկանող երեք տներում ռազմամթերք, պայթուցիկ նյութեր պահելու, ինչպես նաև տարբեր տեսակի հափշտակություններ կատարելու համար։
Լիլիթ Շաբոյան
