08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Միշտ մտածել եմ՝ երևի, իրենք շատ բան գիտեն կոռուպցիայի մասին և հեշտ կաշխատեն․ Սերգեյ Բագրատյան. ՏԵՍԱՆՅՈՒԹ
Քաղաքականություն
18.11.2019 | 16:39
Կոռուպցիայի կանխարգելման հանձնաժողովի կազմավորման ընթացքը բերում է այն համոզման, որ մենք իսկապես ունենալու ենք շատ կարևորագույն մի մարմին, որը կարող է ամենացավոտ խնդիրը լուծել մեր հասարակության համար․ դա կոռուպցիան է։ Եթե որևէ հասարակությունում կոռուպցիան տեղ չունի, այդ հասարակությունը չի կարող չզարգանալ դինամիկ կերպով։ Այս մասին ԱԺ-ում իր ելույթի ժամանակ ասաց «Բարգավաճ Հայաստան» խմբակցության պատգամավոր Սերգեյ Բագրատյանը։
«Նախկինում կոռուպցիայի դեմ հանձնաժողովներ էին ստեղծվում, որի մասնակիցները՝ կոնկրետ հանձնաժողովի անդամները, հասարակության մեջ ամենամեծ կոռուպցիոների համբավն ունեին։ Ես զարմանում էի, որ ընտրում էին հենց այդպիսի մարդկանց։ Միշտ մտածել եմ՝ երևի, իրենք ամենաշատը գիտեն կոռուպցիայի մասին և հեշտ կաշխատեն»,- ընդգծեց պատգամավորը։
Հիշեցնենք, որ ԱԺ-ն այսօր քննարկում է Կոռուպցիայի կանխարգելման հանձնաժողովի անդամների ընտրության հարցը։
Մանրամասները՝ տեսանյութում։
