31.08.2026 | 23:00
Երևանում տեղադրվել է COP17-ի մեկնարկի հետհաշվարկի խորհրդանիշը
Կառավարությունը պետք է շարունակի ավելացնել սոցիալական ծախսերը և երկարաժամկետ ներդրումները. Արարատ Միրզոյան. ՏԵՍԱՆՅՈՒԹ
Տնտեսություն
15.11.2019 | 17:33
ԱԺ նախագահ Արարատ Միրզոյանը կառավարության տնտեսական քաղաքականությունը երկու բառով է որակում՝ մասնակցայնություն ու ներառականություն։ Նա 2020թ. ՀՀ պետական բյուջեի նախագծի քննարկման ժամանակ իր ելույթում նշեց, որ ժամանակն է խոսել թվերով ու ցուցանիշներ ներկայացրեց։
«2020թ.-ին նախատեսվող պետական եկամուտների թիվը կազմում է 1.7 տրիլիոն դրամ, իսկ նման բան երբեք չի եղել, իսկ սա, համեմատած մյուս տարիների հետ, շուրջ 500 մլրդ-ի տարբերություն է»,- ասաց նա։
ԱԺ նախագահը նկատեց, որ եկամուտների հիմնական հատվածում հարկեր են, ինչն էլ գալիս է ապացուցելու իրենց այն թեզը, որ քաղաքացին մասնակցում է երկրի տնտեսությանը, նրանք հավատում են տնտեական աճին ու պետական ինստիտուտներին։ Միրզոյանի գնահատմամբ՝ 2020թ.-ի բյուջեի նախագիծը երազանքների նախագիծ է, վառ ապացույց, որ գնացքը շարժվում է ճիշտ ուղղությամբ:
«Սա չի նշանակում, որ մենք տեղ ենք հասել և ունենք մեր երազանքների բյուջեն, այդպիսի բան երբեք չի կարող լինել, բայց այս բյուջեն շատ վառ ապացույց է, որ մեր գնացքը ճիշտ երկաթգծերի վրա ենք դրել, ընթանում ենք ճիշտ ուղղությամբ»,- շարունակեց ԱԺ խոսնակը։
Արարատ Միրզոյանի կարծիքով՝ կառավարությանը մնում է երկու բան անել՝ շարունակել ավելացնել սոցիալական ծախսերը և երկարաժամկետ ներդրումները։
Մանրամասները՝ տեսանյութում:
