17.11.2024 | 18:22
Երևանում կկայանա աշխարհահռչակ շանսոնյե Շառլ Ազնավուրին նվիրված «Մսյո Ազնավուր» ֆիլմի պրեմիերան
Վազգեն Մանուկյանի հայտարարությունները կուսակցական էին․ Արարատ Միրզոյան. ՏԵՍԱՆՅՈՒԹ
Քաղաքականություն
14.11.2019 | 18:09
ԱԺ նախագահ Արարատ Միրզոյանն այսօր լրագրողների հետ զրույցում անդրադարձավ Հանրային խորհրդի նախագահ Վազգեն Մանուկյանի հրաժարականին՝ նշելով, որ Հանրային խորհուրդն իր գործառույթը չէր կատարում:
«Կոնկրետ Հանրային խորհրդի ղեկավարը, կարծեմ, իմ աչքով նման բան ընկել է, հայտարարություններ էր անում, որոնք շատ ընդգծված քաղաքական էին, նույնիսկ կուսակցական էին և դիսոնանսի մեջ էին մտնում ընդհանուր իշխանության վարած քաղաքականության կամ հնչեցրած մտքերի հետ: Այստեղ հարց է առաջանում, որովհետև Հանրային խորհուրդը կոչված է հանրությանը հուզող տարբեր հարցեր քննարկել, խորհրդատվություն ներկայացնել Կառավարությանը: Դուք ասում եք՝ կարիքը կա՞, թե՞ ոչ: Այդ մասին կարող ենք խոսել, բայց ունենք Սահմանադրություն, որտեղ այս ինստիտուտը նախատեսված է, հետևաբար, եթե պիտի այս խոսակցությունը բացենք, պիտի խոսենք նաև սահմանադրական փոփոխությունների համատեքստում»,- ասաց նա:
Միրզոյանն ընդգծեց՝ քանի դեռ այդ փոփոխությունները չկան, պիտի հաշվի նստենք, որ ունենք Հանրային խորհուրդ, որտեղ կան մարդիկ, ովքեր պիտի անեն այն գործառույթները, որոնք սահմանված են օրենքով:
Մանրամասները՝ տեսանյութում:
Նարեկ Կիրակոսյան
