17.09.2026 | 23:38
Սամվել Կարապետյանի տնային կալանքը երկարաձգվել է
Անկարային Բաքվից տարանջատելու գործընթաց պետք է իրականացնենք. Արման Բաբաջանյան. ՏԵՍԱՆՅՈՒԹ
Քաղաքականություն
14.11.2019 | 14:37
Սա մեզ համար չափազանց սպասելի էր: Լրագրողների հետ զրույցում անդրադառնալով ամերիկացի սենատոր Լինսի Գրեհեմի՝ Հայոց ցեղասպանության ճանաչման բանաձևի հարցով վետո կիրառելու մասին հարցին՝ ասաց ԱԺ պատգամավոր Արման Բաբաջանյանը:
«Պիտի ասեմ, որ կային տրամադրություններ, խողովակներ, որոնք հորդորում էին, որպեսզի մենք և մեր լոբբիստական խմբերն այս պահին ձեռնպահ մնանք և Սենատում այս բանաձևի քննարկումներն առժամանակ գոնե սառեցնեին: Մենք հաստատապես գիտեինք, որ նույն ընթացակարգը չի գործում, ինչ-որ Կոնգրեսում է: Նույնիսկ մեկ սենատոր կարող է վետոյի իր իրավունքը կիրառել, և այդ դեպքում առհասարակ քննարկում տեղի չի ունենա»,- հավելեց պատգամավորը:
Նրա խոսքով՝ չպետք է շատ ոգևորվենք Հայոց ցեղասպանության ճանաչմանն ուղղված այս գործընթացներով. «Միացյալ Նահանգների ուղղակի բարոյական պարտականությունն է եղել Հայոց ցեղասպանության ճանաչումը: Եվ ի՞նչ ասել է շնորհակալ լինել ԱՄՆ-ին՝ իր պարտականությունը, իր բարոյական պարտքը կատարելու համար հայ ժողովրդի առաջ»:
Ինչ վերաբերում է Հայաստան-Թուրքիա հարաբերություններին, Արման Բաբաջանյանը կարծում է, որ նման գործընթացները չեն օգնում այդ հարաբերությունները որակական հարթություն տեղափոխելու ջանքերին:
«Մենք պիտի կարողանանք Երևան-Անկարա հարաբերությունների հաստատման համար բոլորովին այլ միջավայր փնտրել: Մենք ջանքը պիտի ուղղված լինի Բաքվին և Անկարային հնարավորինս տարանջատելու գործողություններ իրականացնելուն»,- ասաց ԱԺ պատգամավորը:
Մանրամասները՝ տեսանյութում:
