06.04.2026 | 23:30
Հրդեհ Թաիրով բնակավայրում. այրվել է ավտոմեքենա
Վազգեն Մանուկյանի հրաժարականը ճիշտ քայլ էր. Արուսյակ Ջուլհակյան. ՏԵՍԱՆՅՈՒԹ
Քաղաքականություն
13.11.2019 | 17:53
Այսօր Հանրային խորհրդի նախագահ Մազգեն Մանուկյանը հայտնել է, որ ՀԽ-ում անիմաստ է համարում իր գործունեությունը, ուստի որոշել է թողնել նախագահի պաշտոնը:
ԱԺ «Իմ քայլը» խմբակցության պատգամավոր Արուսյակ Ջուլհակյանի խոսքով՝ Վազգեն Մանուկյանը սկսել էր ակտիվ կերպով խախտել Հանրային խորհրդի գործունեությանն առնչվող օրենքը, որը սահմանում է ՀԽ անդամի քաղաքական չեզոքությունը:
«Կարծում եմ՝ լավ է, որ նա ընտրել է ազատ քաղաքացու ուղին, որպեսզի կարողանա ակտիվ կերպով քաղաքական հայտարություններով հանդես գալ: Հանրային խորհուրդը գործում է 2000-ականներից, եթե ինձ հուշեք մեկ դեպք, երբ ՀԽ-ն իր գործունեությամբ ամրապնդել է վերին օղակների հետ կապը, ապա շնորհակալ կլինեմ»,- շեշտեց նա:
Ըստ նրա՝ հեղափոխությունից առաջ ժողովրդի և իշխանությունների միջև խորը անջրպետ կար, ինչը հեղափոխությունից հետո զրոյացվել է, և այսօր ավելի քան երբևէ ժողովուրդը կապված է իշխանությունների հետ, ուստի անիմաստ է ասել, թե ՀԽ-ն փորձ է արել ժողովրդին կապել իշխանությունների հետ: Նրա բնորոշմամբ՝ Վազգեն Մանուկյանի հրաժարականով ուրախանալու կամ տխրելու պատճառ չունի, ավելին՝ նրա հրաժարականը գնահատում է որպես ճիշտ քայլ:
Մանրամասները՝ տեսանյութում:
Նարեկ Կիրակոսյան
