08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Մանվել Գրիգորյանի պաշտպանները դատավորի ինքնաբացարկի և խնամակալի ուղեկցության միջնորդություններ ներկայացրին
Հասարակություն
12.11.2019 | 15:12
Այսօր՝ Երևան քաղաքի Կենտրոն և Նորք-Մարաշ վարչական շրջանների ընդհանուր իրավասության դատարանում ԱԺ նախկին պատգամավոր, գեներալ Մանվել Գրիգորյանի գործով հերթական դատական նիստի մեկնարկին Գրիգորյանի պաշտպանական թիմը երկու միջնորդություն ներկայացրեց: Առաջին միջնորդությունը Մանվել Գրիգորյանի՝ դատական նիստերին խնամակալի ուղեկցությամբ ներկայանալու թույլտվության վերաբերյալ էր:
Գրիգորյանի պաշտպան Արսեն Մկրտչյանը նշեց. «Փորձագիտական եզրակացության մեջ նշված է, որ նրան պետք է օժանդակող անձ ուղեկցի: Հաշվի առնելով Մանվել Գրիգորյանի ծանր վիճակը, խնդրում ենք թույլ տալ, որ նրան բժիշկների հետ նաև խնամակալն ուղեկցի: Սա հարց է, որը հետագա նիստերին էլ հնարավոր է ծագի»:
Երկրորդը՝ նախագահող դատավորի ինքաբացարկի միջնորդությունն էր: Գրիգորյանի պաշտպանական թիմից Լևոն Բաղդասարյանի խոսքով՝ դատավորը շրջանցել է օրենքը և Մանվել Գրիգորյանի՝ առողջական ծանր վիճակի և դատական նիստերին ներկա չգտնվելու պայմաններում շարունակել գործի քննությունը:
Դատարանը հեռացավ խորհրդակցական սենյակ՝ որոշում կայացնելու:
Մանրամասները՝ տեսանյութում:
Նելլի Մելքոնյան
