08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
«Արցախի հանրապետական» կուսակցությունը, որը կապ չունի հայաստանյան ՀՀԿ-ի հետ, սպասվող նախագահական ընտրություններում կսատարի իմ թեկնածությունը. Արայիկ Հարությունյան
Քաղաքականություն
12.11.2019 | 13:01
«Արցախի հանրապետական» կուսակցությունը սպասվող նախագահական ընտրություններում կսատարի Արայիկ Հարությունյանի թեկնածությունը. այս մասին տեղեկացնում է Արայիկ Հարությունյանը՝ ֆեյսբուքի իր էջում արված գրառմամբ:
«
Հարգելի՛ հայրենակիցներ
«Արցախի հանրապետական» կուսակցության (այն ոչ մի կապ չունի Հայաստանի հանրապետական կուսակցության հետ)՝ երեկ հրավիրած արտահերթ նիստում որոշում է կայացվել 2020թ.-ին մեր հանրապետությունում կայանալիք նախագահական ընտրություններում սատարելու իմ թեկնածությունը:
Նիստին, որին մասնակցում էի հրավիրվածի կարգավիճակով, հնարավորություն ունեցա ոչ միայն իմ շնորհակալական խոսքը հայտնելու կուսակցության ղեկավարությանը, բոլոր պատվիրակներին՝ վստահության ձայնի ու որոշման համար, այլև հանդես գալու ծրագրային ելույթով և պատասխանելու ներկաներին հուզող հարցերին: Այս որոշումը ինձ համար կարևոր էր նաև այն առումով, որ այն կայացվել է՝ հաշվի առնելով առաջին հերթին մեր կողմից առաջ քաշված ծրագրային դրույթները, ինչը փաստում է, որ մեր ձևավորած քաղաքական օրակարգը կարող է դառնալ միավորող գործոն:
Ի դեպ, ուզում եմ տեղեկացնել, որ սպասվող նախագահական ընտրություններին իմ թեկնածությունը սատարելուն իրենց աջակցությունն են հայտնել քաղաքական այլ կուսակցություններ, առանձին գործիչներ և հասարակական կազմակերպություններ, որոնք շուտով այդ մասին հրապարակավ հանդես կգան հայտարարություններով:
»,- գրել է նա:
