27.09.2026 | 14:16
Թրամփը Զելենսկիին կոչ է արել Պուտինի հետ պայմանավորվել խաղաղության շուրջ
«Փաշինյանը եկել, փորձում էր Արայիկ Հարությունյանի ապազգային վարքն իր վրա վերցնել». Արծվիկ Մինասյան. ՏԵՍԱՆՅՈՒԹ
Քաղաքականություն
11.11.2019 | 16:38
«Նիկոլ Փաշինյանը չի կարող որպես վարչապետ իրեն նախարարության գործառույթը վերագրել։ Կարծում եմ՝ Նիկոլ Փաշինյանը խորը թյուրիմացության մեջ է, և այս խորքային գործընթացի պատճառը չի ընկալել, ըմբռնել կամ, առնվազն, իրեն մակերեսորեն են զեկուցել։ Սա պայքար է ազգայինի և ապազգային մտածողության ու երևույթների շրջանակում»,- այս մասին այսօր՝ Կրթության, գիտության, մշակույթի և սպորտի նախարարության շենքի դիմաց՝ ԿԳՄՍ նախարար Արայիկ Հարությունյանի հրաժարականի պահանջով բողոքի ակցիայի ընթացքում լրագրողների հետ զրույցում նշեց ՀՅԴ Հայաստանի ԳՄ անդամ Արծվիկ Մինասյանը։
«Արայիկ Հարությունյանը և նրա խորհրդատուները, նաև վարչապետը, ակնհայտորեն փորձում են ապակողմնորոշել երիտասարդության շրջանում առաջացած այս ընդվզումը»,- ասաց Մինասյանը։
Ըստ նրա՝ այս հարցի շուրջ շուտով նաև մարզերում ընդվզում կսկսի։
«Փաշինյանն այն օրը եկել, փորձում էր Արայիկ Հարությունյանի ապազգային վարքագիծն իր վրա վերցնել։ Եթե իրեն թվում է, թե ինքն այնքան ժողովրդավար է, որ կարող է այդպիսի հարցեր առաջ տանել, սխալվում է։ Մեր ժողովուրդն այսպիսի հարցերում զգայուն է և, երբ տեսավ, որ ազգայինից հետ է կանգնում, չի հանդուրժի անգամ հերոսին։ Ես չեմ ուզում, որ մեր ժողովուրդը հերթական սթրեսն ապրի: Չի կարելի կեղծ օրակարգ բերել երկիր»,- նշեց Արծվիկ Մինասյանը։
Մանրամասները՝ տեսանյութում։ Նելլի Մելքոնյան
