«Հայ-ռուսական միավորված զորախումբը սուվերենության կորուստ է, որի չափը կարող է էն չափի լինել, որը եղել է Կարսի պայմանագրի դեպքում»․ Մանվել Սարգսյան

Լուրեր

19.11.2026 | 23:55
ՀՖՖ նախագահի ընտրություններում Գևորգ Ղազարյանի թեկնածությունն առաջադրել է «Շիրակը»
19.11.2026 | 23:31
ՀՀ տարածքում ավտոճանապարհները հիմնականում անցանելի են
19.11.2026 | 23:21
Հանրապետության նախագահի նստավայրում տեղի է ունեցել դատավորի երդման արարողություն
19.11.2026 | 23:14
Ինչու է Ղարաբաղից տեղահանվածների նոր կենսաչափական փաստաթղթերում ծննդյան վայր նշվում «Ադրբեջան». ՄՔԾ-ի պարզաբանումը
19.11.2026 | 22:53
Կանադայում ՀՀ դեսպանությանը կից ռազմական կցորդի հաստիք կսահմանվի
19.11.2026 | 22:38
ԲԸՏՄ-ն Երևանում կասեցրել է առանց ՇՄԱԳ-ի դրական եզրակացության իրականացվող յուղերի վերամշակումը
19.11.2026 | 22:24
Anthropic-ը IPO-ի միջոցով ռեկորդային 81 միլիարդ դոլար է ներգրավել․ ընկերության արժեքը գնահատվել է շուրջ 1,5 տրիլիոն դոլար
19.11.2026 | 22:10
Երևանի և 8 մարզի մի շարք հասցեներում էլեկտրաէներգիայի անջատումներ կլինեն
19.11.2026 | 21:55
Մասկը կարեկցանք է հայտնել Ուկրաինայում կռվող ռուսաստանցի զինվորների նկատմամբ
19.11.2026 | 21:43
Քննարկվել են Հայաստանի և ՄԱԿ-ի Եվրոպական տնտեսական հանձնաժողովի միջև համագործակցության ընդլայնման հնարավորությունները
19.11.2026 | 21:29
Ռոբերտ Աբիսողոմոնյանը ՄԱԿ-ի նախարարական համաժողովում ներկայացրել է «Խաղաղության խաչմերուկ»-ի և «ԹՐԻՓՓ»-ի նշանակությունը Հարավային Կովկասի համար
19.11.2026 | 21:15
Այո՛, ես ամեն օր քաղաքական հայտ եմ ներկայացնում․ ես քաղաքական գործիչ եմ․ Արմեն Գրիգորյան. ՏԵՍԱՆՅՈՒԹ
19.11.2026 | 21:09
ՌԴ-ի ու Վրաստանի հատուկ ներկայացուցիչները հանդիպել են Մինսկում
19.11.2026 | 20:58
Եվրահանձնաժողովը խոշոր կիբերհարձակման է ենթարկվել
19.11.2026 | 20:44
ԵՄ-ն ընդունում է Հայաստանի եվրոպական ձգտումները, որոնք հանդիսանում են երկրի ռազմավարական ժողովրդավարական ընտրությունը
Բոլորը

Ռազմավարական և ազգային հետազոտությունների հայկական կենտրոնի ղեկավար Մանվել Սարգսյանը Factor.am-ի հետ զրույցում սուվերենության կորուստ ու Ռուսաստանի կողմից վտանգավոր պարտադրանք է համարում Հայաստան-Ռուսաստան միավորված զորախմբի մասին համաձայնագիրը, որն օրերս հավանության արժանացավ ՀՀ խորհրդարանում։

«Ամենաէականն այն է՝ ում հրամանին են ենթարկվում զինված ուժերը։ Հենց այստեղ է լղոզումը և այնպիսի ձևով, որ արդեն իսկ ես տեսա դրա մեջ մի շատ էական բան, որ Ռուսաստանը ամեն կերպ փորձում է ազդեցության լծակ ստեղծել Հայկական բանակի վրա։ Դա միանշանակ է»,- նշեց քաղաքագետը։

Ըստ նրա՝ սա Ռուսաստանի կողմից պարտադրված հերթական համաձայնագիրն է, որի հետևանքները կարող են շատ վատ լինել։ «Ի՞նչ է նշանակում՝ խաղաղ պայմաններում հրամանատարությունն այսպես է, ռազմական գործողությունների ժամանակ ուրիշ ձև է։ Ո՞վ է որոշել, ո՞նց է որոշել։ Ապրիլյան պատերազմի ժամանակ որևէ հրաման դուրս չի եկել, որևէ որոշում չի ընդունվել, երկրում չի հայտարարվել ռազմական վիճակ, որևէ մեկը չի գրանցել դա որպես պատերազմ»,- մտահոգություն հայտնեց Մանվել Սարգսյանը։

Ըստ քաղաքագետի՝ Ռուսաստանը կարող է Հայաստանին ներքաշել այս կամ այն երկրների հետ պատերազմական գործողությունների մեջ, օրինակ` Վրաստանի, Ուկրաինայի հետ և այլն․ «Որովհետև պարզ չի՝ ինչ է նշանակում՝ «անմիջական վտանգ» պայմանագիրը կնքող երկրների համար։ Նշանակում է՝ Դուք կարող եք ներքաշվել տարբեր ռազմական ավանտյուրաների մեջ»։

Նշենք, որ, ըստ համաձայնագրի, խաղաղ պայմաններում զորախմբի հրամանատարը ենթակա է ՀՀ ԶՈւ գլխավոր շտաբի պետին, իսկ սպառնալից կամ պատերազմական իրավիճակներում՝ կամ ՌԴ ԶՈւ հարավային ռազմական շրջանի հրամանատարին, կամ ՀՀ ԶՈւ գլխավոր շտաբի պետին՝ կախված իրավիճակից:

Մանվել Սարգսյանի համոզմամբ՝ այս համաձայնագիրը սուվերենության կորուստ է, որին ՀՀ իշխանությունը գնում է իր իշխանությունը պահելու համար։ «Չհասկանալով, որ կորցնում ես շատ կարևոր բան՝ որոշում ընդունելու ինստիտուտը։ Ով է ապրիլյան պատերազմում որոշումներ ընդունել, կարծում եմ, որևէ մեկը կասկած չունի. Ռուսաստանը՝ ի վնաս Հայաստանի շահերի։ Միանշանակ` սուվերենության կորուստ է։ Չափը կարող է էն չափի լինել, որը եղել է Կարսի պայմանագրի դեպքում»,- նշեց քաղաքագետը։

Ինչ վերաբերում է համաձայնագրում առկա այն կետին, որով այդ միավորված զորախումբը կարող է միջամտել Հայաստանի ներքին զինված ապստամբություններին, Մանվել Սարգսյանը համոզված է, որ հենց ՀՀ իշխանություններն են առաջարկել ռուսական կողմին այդ կետը մտցնել՝ Հայաստանի հանրությանը ապստամբություններից հետ պահելու ու իրենց դիրքերը պահելու, իրենց փրկելու համար.«Որովհետև իրենք գիտեն՝ իրենք ինչ են անում և պիտի դիմեն Ռուսաստանի իրենց հովանավորներին՝ ասելով, թե բա որ վաղը մարդիկ մեր դեմ դուրս գան, ասեն՝ էս ի՞նչ եք անում, մենք ո՞նց ենք պաշտպանվելու»։

Մանվել Սարգսյանի խոսքերով՝ սա միանշանակ սպառնալիք է Հայաստանի ժողովրդին, եթե վերջինս փորձի ՀՀ իշխանության այս կամ այն որոշման դեպքում ապստամբության գնալ։ «Ես չեմ հավատում, որ այսպիսի պայմանագրեր կստորագրվեին, եթե էստեղից չլինի առաջարկը»,- եզրափակեց քաղաքագետը։

Մանրամասները դիտեք քաղաքագետ Մանվել Սարգսյանի հետ Factor.am-ի հարցազրույցում։

Մարինե Խառատյան