08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Հայաստանի հետ Ուկրաինայի ապրանքաշրջանառությունն 8 ամսում կազմել է 92 մլն դոլարից ավելի. դիվանագետ
Տնտեսություն
07.11.2019 | 23:03
Ուկրաինայի և Հայաստանի Հանրապետության միջև ապրանքաշրջանառությունը 2019 թվականի 8 ամիսներին կազմել է 92,59 մլն դոլար և անցյալ տարվա նույն ժամանակահատվածի համեմատ նվազել է 10 տոկոսով: Այս մասին AnalitikaUA.net-ի հետ զրույցում ասել է Հայաստանի Հանրապետությունում Ուկրաինայի գործերի ժամանակավոր հավատարմատար Դենիս Ավտոնոմովը:
Դիվանագետի խոսքով՝ այսպիսի իրավիճակը բացատրվում է 2018 թվականին առեւտրի ցուցանիշների թռիչքաձև աճով, երբ «Տուրբոատոմ» (Խարկով քաղաք) ԲԸ-ն Մեծամորի ԱԷԿ-ին սարքավորումների մատակարարումներ իրականացրեց:
«Միաժամանակ, ընթացիկ տարում գրանցել ենք Ուկրաինայից մսի մատակարարումների գրեթե կրկնակի աճ, աճում են դեղագործական արտադրանքի մատակարարումները, ավանդաբար Հայաստանի արտադրողների վստահությունն է վայելում ուկրաինական կաթի փոշին: Ինչ վերաբերում է Հայաստանից Ուկրաինա նեմուծմանը, ապա մեծ մասը կազմում է կոնյակը», – նշել է Ավտոնոմովը:
Ավելի վաղ հաղորդվել էր, որ վերջին տարիներին Ուկրաինայից Հայաստան զբոսաշրջությունը կայուն աճում է:
