04.08.2026 | 16:17
Ադրբեջանի և Հայաստանի միջև կայուն խաղաղությունը հասանելի է դարձել․ ԵԱՀԿ գործող նախագահ
Պատմածով լսել եմ, գիտեմ, բայց վստահ չեմ. Նարեկ Բաբայանը՝ Սարհատ Պետրոսյանի աղմկոտ հայտարարության մասին. ՏԵՍԱՆՅՈՒԹ
Քաղաքականություն
06.11.2019 | 13:06
Պետական գույքի կառավարման կոմիտեի նախագահ Նարեկ Բաբայանը չի կարծում, որ Կադաստրի կոմիտեի նախկին նախագահ Սարհատ Պետրոսյանի՝ ոլորտում առկա կոռուպցիայի մասին հայտարարությունները բարձր մակարդակներում քննարկելու կարիք ունի: Այս մասին ԱԺ-ում լրագրողների հետ զրույցում ասաց Նարեկ Բաբայանը:
Հիշեցնենք, որ Սարհատ Պետրոսյանն աշխատանքից ազատվելու դիմում էր գրել և հայտնել, որ ոլորտում կոռուպցիա կա: Նա դրանում մեղադրել էր փոխվարչապետ Տիգրան Ավինյանի խորհրդական Ավետիք Էլոյանին: Սարհատ Պետրոսյանը վստահեցրել էր, որ այդ գործարքներից տեղյակ է նաև փոխվարչապետը:
«Ցանկացած հարց, որը կարող է հնչել, մենք պատրաստ ենք քննարկել: Ես առանձնապես ծանոթ չեմ հարցի բուն էությանը: Որոշակի բաներ պատմածով լսել եմ, գիտեմ, բայց վստահ չեմ՝ դա չարաշահո՞ւմ է, թե՞ ոչ: Շատ բաներ շատ դեպքերում ներկայացվում է որպես կոռուպցիոն սխեմա: Պետք է հասկանալ՝ ինչ-որ օրենքի խախտում կա՞, թե՞ ոչ»,- ասաց նա:
Մանրամասները՝ տեսանյութում:
Նարեկ Կիրակոսյան
