04.05.2024 | 18:10
Վրաստանի ապագան Եվրամիության հետ է. բաց մի՛ թողեք այս պատմական հնարավորությունը․ Միշելը՝ Կոբախիձեին
Թուրքիայի օդուժը հրթիռակոծել է Հյուսիսային Իրաքի «Քրդստանի բանվորական կուսակցության» ռազմաբազաները
Քաղաքականություն
06.10.2017 | 12:56
Հոկտեմբերի 5-ին Թուրքիայի օդուժը հրթիռակոծել է Հյուսիսային Իրաքի Քանդիլ շրջանում գտնվող «Քրդստանի բանվորական կուսակցության» (ՔԲԿ-PKK) ռազմաճամբարները. փոխանցում է ermenihaber-ը:
Թուրքական «Posta»- լրատվամիջոցի համաձայն՝ հրթիռակոծության ընթացքում ոչնչացվել են քուրդ զինյալների մի շարք զինպահեստներ և թաքստոցներ:
Օպերացիայի ժամանակ սպանվել է 2 քուրդ զինյալ:
Նույն օրը Թուրքիայի օդուժը PKK-ի դեմ ռազմական գործողություններ է իրականացրել Թունջելի (Դերսիմ) նահանգի Օվաջըք շրջանում, ինչի հետևանքով սպանվել է 2 PKK-ական:
Հիշեցնենք, որ PKK-ն Թուրքիայում համարվում է ահաբեկչական կազմակերպություն: Վերջինիս դեմ ռազմական գործողությունները ընթանում են, թե՛ երկրի ներսում, թե՛ երկրի սահամաններից դուրս՝ մասնավորապես Հյուսիսային Իրաքում, որտեղ էլ գտնվում է PKK-ի գլխավոր ռազմաճամբարը՝ Քանդիլը:
