02.03.2026 | 14:33
Էդուարդ Սպերցյանն արձագանքել է «Կրասնոդարից» հեռանալու մասին լուրերին
«Անդորր փոթորկից առաջ». Թրամփի հայտարարությունը՝ իրարանցման պատճառ
Քաղաքականություն
06.10.2017 | 12:26
ԱՄՆ նախագահ Դոնալդ Թրամփը մտածելու տեղիք է տվել լրագրողներին, երբ երկրի ռազմական ղեկավարության հետ հանդիսավոր ընթրիքից առաջ անսպասելի հայտարարություն է արել. փոխանցում է ria.ru-ն:
Միջոցառումն անցկացվել է Սպիտակ տանը առաջին դեմքերի ու Պենտագոնի ներկայացուցիչների ու նրանց կանանց մասնակցությամբ: Մինչ այդ, ամերիկացի առաջնորդը խորհրդակցություն է անցկացրել զինվորական ղեկավարության և բարձրաստիճան այլ պաշտոնյաների հետ, որի ընթացքում կոշտ հայտարարություններ է արել Իրանի ու Հյուսիսային Կորեայի վերաբերյալ:
Լրագրողների տեղեկացմամբ՝ ընթրիքից առաջ Թրամփը մատով ցույց է տվել դահլիճն ու հարցրել ԶԼՄ-ների ներկայացուցիչներին. «Գիտե՞ք՝ ի՞նչ է այս ամենը նշանակում, գուցե սա անդորր է փոթորկից առաջ»:
Washington Post-ը հայտնում է, որ Թրամփը մտադիր է հաջորդ շաբաթ չեղարկել 2015թ. Իրանի հետ կնքված միջուկային համաձայնագիրը: Թրամփը կարծում է, որ համաձայնագիրը չի բխում Միացյալ Նահանգների ազգային շահերից:
