05.06.2026 | 18:18
Վարժական հավաքները մեկնարկելու են ընտրություններից 2 օր անց․ հավաքների ամսաթվերը Կառավարությունը հրապարակել է հունվարին
Բողոքներ, ավելի գումար տալու խնդրանքներ բուժհաստատություններից պրակտիկորեն չենք ստանում․ Արսեն Թորոսյան․ ՏԵՍԱՆՅՈՒԹ
Քաղաքականություն
01.11.2019 | 11:09
Տարբեր ծառայություններ տարբեր կերպ են բաշխվում, օրինակ՝ ծննդօգնության դեպքում ինչքան ծնունդ է լինում, այդքան բուժհաստատությունը գումար է ստանում։ Պոլիկլինիկական հաստատություններում բաշխվում է ըստ մարդաշնչի։ Այս մասին ԱԺ-ում 2020 թվականի բյուջեի նախագծի քննարկման ժամանակ ասաց առողջապահության նախարար Արսեն Թորոսյանը։
Նախարարը նկատեց, որ պետպատվերի շրջանակներում տրվող միջոցների քաղաքականության վերաբերյալ հարցը միշտ արծարծվում է, և կա մեղադրանք, որ իրենք հավասար չենք բաշխում գումարները։
«Մենք այս տարի հետաքրքիր եղանակով ենք գնացել՝ տարվա ընթացքում բազմաթիվ վերաբաշխումներ ենք արել, ոչ թե 1-2, ինչպես հաճախ տեղի էր ունենում, այլ, համարյա, ամեն ամիս վերաբաշխում ենք արել։ Եվ եթե սոցիալական հարցում անենք ստացված գումարների վերաբերմունքի մասով, այսինքն, թե իրենք ինչպես են կարծում՝ արդյո՞ք արդար է վերաբաշխվել, ապա այդ ցուցանիշն անհամեմատ ավելի դրական կլինի։ Այսինքն՝ բողոքներ, ավել գումար տալու խնդրանքներ բուժհաստատություններից չենք ստանում»,- նկատեց նախարարը։
Մանրամասները՝ տեսանյութում։
