04.08.2026 | 14:15
Ջանի Ինֆանտինոն ցանկացել է 30 միլիոն դոլարի հասցնել իր աշխատավարձը
Մերժված ղեկավարին չեմ ուզում մեկնաբանել. Արայիկ Հարությունյանը՝ Սերժ Սարգսյանի հայտարարության մասին. ՏԵՍԱՆՅՈՒԹ
Քաղաքականություն
31.10.2019 | 15:53
Ազգային ժողովում լրագրողների հետ զրույցի ժամանակ ԿԳՄՍ նախարար Արայիկ Հարությունյանը չցանկացավ մեկնաբանել Սերժ Սարգսյանի խոսքերը։
Նա նշեց, որ իր գործընկերները մի քանի կետ նշել են ի հակադարձումն դրան։
«Այնտեղ խոսում էր անպատասխանատու որոշումների մասին, խոսում էր մեր որոշումները փոփոխելու մասին, կարծում եմ՝ կտրուկ շրջադարձեր տեսել եք Սերժ Սարգսյանի կառավարման տարիներին, և տեսել եք, թե համակարգն ինչպես է կտրուկ շրջադարձերի ժամանակ շուռ եկել։ Այս իշխանությունը և մեր կառավարությունը հավատարիմ է իր հեղափոխական գաղափարներին և այդ ուղղությամբ շարունակում է աշխատել։ Թե ինչի մասին է խոսքը, գնացեք, նրանից հարցրեք, ես սրանից ավել մերժված ղեկավարին չեմ ուզում մեկնաբանել»,- նշեց Արայիկ Հարությունյանը։
Հիշեցնենք, որ երեկ Սերժ Սարգսյանն ասել է․ «Եթե ինձ ձերբակալելով մեր ժողովուրդը գոհ ու երջանիկ կլինի, Մարտի 1-ը, Հոկտեմբերի 27-ը կհամարվի ամբողջովին բացահայտված, մեր երկրին սպառնացող վտանգները կչեզոքանան, ԼՂ բանակցությունները կվերադառնան ճիշտ ուղի, թող ձերբակալեն»:
Մանրամասները՝ տեսանյութում։
