08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Ենթադրում եմ, որ քրեական պատասխանատվություն կլինի. նախարարը՝ Ողջի գետի աղտոտման մասին. ՏԵՍԱՆՅՈՒԹ
Տնտեսություն
29.10.2019 | 13:51
Հայաստանի Հանրապետությունում բնապահպանական իրավախախտումների մասով Բնապահպանության և ընդերքի տեսչական մարմինն է ամբողջ վարչարարությունն իրականացնում: Յուրաքանչյուր խախտում, որին ականատես եք լինում, դրա ուղիղ հասցեատերն այդ մարմինն է: Տեսչական մարմինը Ողջի գետից նմուշառումն ու հետազոտությունն իրականացրել է. այս մասին ԱԺ-ում լրագրողների հետ զրույցի ժամանակ ասաց շրջակա միջավայրի նախարար Էրիկ Գրիգորյանն՝ անդրադառնալով Ողջի գետի աղտոտմանը:
«Կարծում եմ՝ անալիզների տրամադրման հետ կապված իրենք որևէ սահմանափակում չունեն, եթե լրագրողը դիմի, կարող են տրամադրել»,- ասաց նախարարը։
Գրիգորյանը տեղեկացրեց՝ պարզվել է, որ գետում որոշակի մետաղների՝ ալյումինի, երկաթի կոնցենտրացիաները գերազանցում են սահմանային թույլատրելի չափաքանակները:
«Կան նաև մի քանի այլ հետազոտություններ, որոնք մի քանի օրում հնարավոր չէ իրականացնել։ Հասցված վնասը հաշվարկվում է Կառավարության հատուկ որոշմամբ սահմանված կարգով, բանաձևերով։ Եթե դա էական վնաս է, այսինքն՝ գերազանցում է որոշակի չափաքանակ, ապա քրեական պատասխանատվություն է նախատեսված աղտոտողների համար, եթե՝ ոչ, ապա վարչական պատասխանատվություն է։ Այն տվյալները, որոնք ես տեսնում եմ, ենթադրում եմ, որ այո, գերազանցում են, և կարող է քրեական պատասխանատվության էական վնաս իրականացվել»,- նկատեց նա:
Մանրամասները՝ տեսանյութում։
