28.11.2024 | 20:38
Միրզոյանը և Ֆինլանդիայի նախագահը մտքեր են փոխանակել տարածաշրջանային հարցերի շուրջ
Ֆրանսիայում տարեց տղամարդը կրակ է բացել մզկիթ այցելած մարդկանց ուղղությամբ
Քաղաքականություն
29.10.2019 | 12:28
Ֆրանսիայում տարեց տղամարդը երկրի հարավային Բայոն քաղաքում կրակ է բացել մզկիթ այցելած մարդկանց ուղղությամբ: Երկու վիրավոր կա՝ 74 և 78 տարեկան: Նրանցից մեկի վիճակը ծանր է:
«Эхо Москвы» ռադիոկայանի փոխանցմամբ՝ ոստիկանությունը ձերբակալել է զինված հարձակման մեջ կասկածվողին՝ Կլոդ Սինկեին: Պարզվել է՝ նա կենսաթոշակային տարիքի աջամետ քաղաքական գործիչ է, 84 տարեկան:
Նախնական տվյալներով՝ Սինկեն հրազենից կրակ է բացել մզկիթ այցելող հավատացյալների ուղղությամբ, ինչպես նաև ինչ-որ խառնուրդով շիշ նետել մզկիթի շենք, ինչի արդյունքում հրդեհ է բռնկվել: Դեպքի վայր ժամանած հրշեջներն արագորեն մարել են կրակը:
Կլոդ Սինկեին ձերբակալել են հարևան Սեն Մարտեն դե Սենան կոմունայում, իր տան մոտ: Տղամարդու մեքեքնայում գազով լի բալոն են հայտնաբերել: Նա անմիջապես խոստովանել է արարքը, իրավապահները փորձում են պարզել շարժառիթները:
Le Parisien-ի տվյալներով՝ 84-ամյա Կլոդ Սինկեն 2015 թվականին «Ազգային ճակատ» (ներկայում՝ «Ազգային միավորում») կուսակցությունից առաջադրվել է տեղական ընտրություններում:
