14.05.2026 | 21:30
Ահազանգեր՝ բոլոր կողմերից․ ինչ խախտումներ են եղել քարոզարշավի առաջին շաբաթում. ՏԵՍԱՆՅՈՒԹ
Եթե Հայկ Հարությունյանի հետ շփվեինք փակ սենյակում, ինքը շատ հարցերի կպատասխաներ. Անդրանիկ Քոչարյան. ՏԵՍԱՆՅՈՒԹ
Հասարակություն
25.10.2019 | 11:52
Երկու անգամ մեր հրավերն ընդունել է Հայկ Հարությունյանը, և առաջին անգամ Փաստահավաք խմբին տեղյակ պահեցին, որ գալիս է: Այսօր խորհրդարանական ճեպազրույցների ժամանակ այս մասին ասաց ՀՀ ԱԺ «Իմ քայլը» խմբակցության պատգամավոր Անդրանիկ Քոչարյանը՝ պատասխանելով լրագրողի հարցին, թե Սեդա Սաֆարյանն ասում էր, որ նախկին ոստիկանապետ Հայկ Հարությունյանը Մարտի 1-ի Փաստահավաք խմբի աշխատանքների հետ կապված հրավեր ստանալուց հետո եկել և դռան մոտից հետ է դարձել, ինչո՞ւ չի պատասխանել հարցերի:
«Իր օգնականը տեղյակ պահեց: Եկավ, մի հատ սենյակը նայեց՝ որտեղ է, մենք ինչպես ենք նստած: Եվ մենք սպասում էինք, որ պետք է հիմա Հայկ Հարությունյանը գա: Կես ժամ սպասեցինք, հետո հասկացանք, որ Հայկ Հարությունյանը տարածքում ինչ-որ տեղից դուրս է եկել և մեզ մոտ չի եկել»,- ասաց Քոչարյանը:
Պատգամավորի խոսքով՝ ինքն այդպիսով հասկացել է, որ նախկին ոստիկանապետը պրոբլեմ ունի՝ նման միջավայրում շփվելու և հարցերի պատասխանելու:
«Եվ ես հասկացել եմ՝ այդ պրոբլեմն ինչից է գալիս: Եթե Հայկ Հարությունյանը գար, հասներ ներս և փակ դռների հետևում մենք շփվեինք իր հետ, ինքը շատ հարցերի պատասխան տալու էր, որովհետև Հայկ Հարությունյանը դրանից առաջ եղել է պարոն Նիկոյանի ղեկավարած խորհրդարանական հանձնաժողովում, և իրեն տրված հարցերին տվել է այնպիսի պատասխաններ, որոնք հետագայում Փաստահավաք խումբը վերցրեց իր ուսումնասիրության տիրույթ»,- ասաց Անդրանիկ Քոչարյանը՝ հավելելով, որ խոսքը հնարավոր շտաբի և դրա կառուցվածքի մասին է, ինչպես նաև այն մասին, որ այդ շտաբի որոշումները կատարել են ուժային կառույցները:
Մանրամասները՝ տեսանյութում:
