08.09.2026 | 10:31
Պապոյանը Դուբայում քննարկել է հայկական կառուցապատման ոլորտը միջազգային հարթակներում ներկայացնելու հնարավորությունները
Դավիթ Անանյանը՝ Լիլիթ Հովհաննիսյանի քրգործի մասին. ՏԵՍԱՆՅՈՒԹ
Հասարակություն
24.10.2019 | 13:49
Լիլիթ Հովհաննիսյանի եկամուտների չհայտարարգրման գործը նախաքննական փուլում է: Այս մասին լրագրողների հետ զրույցում ասաց ՊԵԿ նախագահ Դավիթ Անանյանը՝ պատասխանելով հարցին, թե ինչ հանգուցալուծում ստացավ խոշոր եկամուտներ ստացած, բայց հայտարարագրելուց խուսափած շոու բիզնեսի ներկայացուցչի գործը:
«Քրեական գործ կա, չեմ կարող հերքել և չեմ կարող պնդել, թե ում մասին է խոսքը: Դուք տվեցիք երգչուհու անունը, բայց ես իրավունք չունեմ որևէ ձևով մեկնաբանել»,- ասաց ՊԵԿ ղեկավարը:
Լրագրողի դիտարկմանը, թե երգչուհու ամուսինը չի հերքել, որ խոսքը Լիլիթ Հովհաննիսյանի մասին, մի բան էլ հայտարարել է, որ եթե այդքան գումար ունենար, վաղաժամ թոշակի կգնար, ՊԵԿ նախագահն արձագանքեց. «Այդ տարիքում թոշակի գնալը լավ բան չի»:
Հիշեցնենք, որ Պետական եկամուտների կոմիտեն հաղորդագրություն էր տարածել, որ հայկական շոու բիզնեսի ներկայացուցիչներից մեկը, 2017-2019 թվականների ընթացքում ունենալով շուրջ 384 միլիոն 600 հազար ՀՀ դրամի ձեռնարկատիրական եկամուտ, չի հայտարարագրել այն, ինչի արդյունքում ՀՀ պետբյուջե չի վճարել ավելի քան 21 միլիոն դրամ հարկ:
ՊԵԿ-ից մեզ փոխանցված տեղեկությունների համաձայն՝ խոսքը երգչուհի Լիլիթ Հովհաննիսյաի մասին է: Նրա ամուսինը՝ Վահրամ Պետրոսյանը, մեզ հետ զրույցում ո՛չ հերքել, ո՛չ էլ հաստատել էր տեղեկությունը:
Մանրամասները՝ տեսանյութում:
Նարեկ Կիրակոսյան
