11.12.2025 | 18:15
Միքայել արքեպիսկոպոս Աջապահյանին թույլ են տվել տեղափոխել «Իզմիրլյան» ԲԿ
Շատ կուզեի՝ Արման Մկրտումյանը պատասխանատվության կանչվեր. իրավապաշտպանը՝ իրացման գոտու գործերի մասին. ՏԵՍԱՆՅՈՒԹ
Հասարակություն
24.10.2019 | 13:19
Ես ուզում եմ հիշեցնել Վճռաբեկ դատարանի նախկին նախագահ Արման Մկրտումյանի մասին, տպավորություն է, որ նա մոռացության է մատնվել: Իրացման գոտիների բնակիչների սեփականության իրավունքների խախտման թեմայով կազմակերպված քննարկման ժամանակ ասաց իրավապաշտպան Ժաննա Ալեքսանյանը:
«Պետք է անպայման հիշենք 2016 թվականի հոկտեմբերի 27-ին «Նանուշյանն ու Վարդանյանը՝ ընդդեմ ՀՀ-ի» գործով ՄԻԵԴ-ի վճռի մասին, որտեղ պարզորոշ նշվում էր Վճռաբեկ դատարանի նախագահի անունը, որը կատարել է կոնվենցիայի խախտումներ»,- հավելեց նա:
Ըստ իրավապաշտպանի՝ չնայած վճռին՝ ոչինչ չհետևեց, Վճռաբեկ դատարանի նախագահի նկատմամբ անգամ կարգապահական վարույթ չհարուցվեց, թեև փաստաբանները դիմեցին:
«Խայտառակ մի պատմություն է սա, հարյուրամյա տունն այդ մարդկանցից ինչպես էին խլել՝ հնարավոր և անհնար բոլոր մեթոդներով, ես կասեի նույնիսկ՝ բանդիտական, կոռուպցիոն գործարքներով: Ես ուղղակի շատ կուզեի, որ այդ մարդը պատասխանատվության կանչվեր, և այն գումարները, որ նա հափշտակում էր, այդ մարդկանց այս վիճակի մեջ էր դնում, թող կիսի Հայաստանի բյուջեից վճարվող գումարները և թեթևացնի այդ բեռը»,- հայտարարեց Ժաննա Ալեքսանյանը:
Մանրամասները՝ տեսանյութում:
