Քաղաքականություն
22.10.2019 | 17:57ԱԺ տնտեսական հարցերի մշտական հանձնաժողովի նախագահ, «Իմ քայլը» խմբակցության պատգամավոր Բաբկեն Թունյանը նախապես չի իմացել, որ ՀՀ վարչապետը գաղտնի հանձնարարականով բարձրացրել է նախարարների աշխատավարձը: Այս մասին լրագրողների հետ զրույցում ասաց պատգամավորը:
«Անձամբ ես չեմ իմացել, երեկ եմ իմացել»,- ասաց Բաբկեն Թունյանը:
Հարցին՝ ի՞նչ ռիսկեր է պարունակում նախարարների աշխատավարձի բարձրացումը, որ վարչապետը գաղտնի հանձնարարական է տվել, Բաբկեն Թունյանը պատասխանեց. «Կարծում եմ՝ որևէ ռիսկ չի պարունակում, սակայն ավելի լավ է՝ այդ հարցն ուղղեք Կառավարությանը, քանի որ դրա հասցեատերը նրանք են: Ինչ վերաբերում է նրան՝ աշխատավարձերի բարձրացումն արդարացվա՞ծ է, թե՞ ոչ, ապա, կարծում եմ, արդարացված է: Ես փորձելու եմ պարզաբանում ստանալ այս հարցի հետ կապված, բայց ոչ ամբիոնից, քանի որ դա մեր թիմի ներքին որոշելիքն է»:
Ինչ վերաբերում է պատգամավորների աշխատավարձերը բարձրացնելուն կամ չբարձրացնելուն, Բաբկեն Թունյանը նկատեց. «Դուք ասեք, մեր աշխատավարձը բարձրացնե՞ն, թե՞ ոչ»:
Լրագրողի հարցը՝ իրենց հարևան Պողոսը տեղյա՞կ է, որ իր հարկերի հաշվին նախարարները բարձր աշխատավարձ են ստանալու, Բաբկեն Թունյանը խոստացավ փոխանցել հարևան Պողոսին և, եթե հարկ համարի, ապա կպատասխանի:
Մանրամասները՝ տեսանյութում:
Նարեկ Կիրակոսյան
