27.09.2026 | 18:41
ՏԻՄ ընտրությունների մասնակցության արդյունքները ըստ համայնքների՝ 17։00-ի դրությամբ
«Կա 2 տարբերակ՝ նախարարության կամ Ազգային անվտանգության կոմիտեի ստեղծում, որի ղեկավարին կընտրի ԱԺ-ն». էդմոն Մարուքյան. ՏԵՍԱՆՅՈՒԹ
Քաղաքականություն
22.10.2019 | 15:54
Ճիշտ է՝ շատ ենք քննարկել այս հարցը, բայց մի քանի արձանագրում կուզեմ անել․ ասվել է, որ եկեք որպես նախարարություններ կառավարության կառուցվածք վերադարձնենք Ոստիկանությունը, ԱԱԾ-ն, այդ թվում՝ Պետական եկամուտների կոմիտեն։ Այս ռեֆորմն առաջարկել ենք, և այս ռեֆորմը մերժվել է այս խորհրդարանում։ ԱԺ-ում իր ելույթի ժամանակ ասաց «Լուսավոր Հայաստան» խմբակցության ղեկավար Էդմոն Մարուքյանը։
«Հիմա եկել ենք, ասում ենք՝ եկեք միջանկյալ տարբերակով լուծենք խնդիրը։ Ազատենք այդ կապանքներից նշանակումների գործընթացը, հնարավորություն տանք, որ քաղաքացիական նշանակում տեղի ունենա, որից հետո Սահմանադրական փոփոխությունների ժամանակ հարցը քննարկենք։ Եթե ուզում եք իմանալ մեր տեսլականը, ապա այն կարող է տեղավորվել 2 տարբերակներում։ Տարբերակ առաջին՝ նախարարության տարբերակն է, տարբերակ երկրորդ, եթե նախարարությանը չհամաձայնեք, պետք է Սահմանադրության մեջ գրենք, որ Ազգային անվտանության կոմիտե ենք ստեղծում, և կոմիտեի ղեկավարին ընտրում է խորհրդարանը և քաղաքականությունից վեր կանգնած մարդ։ Սրանք են ինստիտուցիոնալ լուծումները»,- նկատեց Էդմոն Մարուքյանը։
Մանրամասները՝ տեսանյութում։
