27.09.2026 | 14:16
Թրամփը Զելենսկիին կոչ է արել Պուտինի հետ պայմանավորվել խաղաղության շուրջ
Ժողովրդից ո՞նց կարելի է թաքուն պահել, վիրավորական է. Ծառուկյանը՝ նախարարների աշխատավարձի մասին. ՏԵՍԱՆՅՈՒԹ
Քաղաքականություն
22.10.2019 | 12:08
ԱԺ ԲՀԿ խմբակցության ղեկավար Գագիկ Ծառուկյանի խոսքով՝ անընդունելի է գաղտնի կերպով նախարարների աշխատավարձը բարձրացնելը:
«Ժողովուրդը սպասելիքով հեղափոխություն կատարեց, ժողովրդի լիարժեք ուզածով իրենց թեկնածուն վարչապետ դարձավ, և այդ փոփոխությունները պետք է լինեին: Արդեն 1.5 տարի է՝ Կառավարությունը ժողովուրդն է, որոշողը ժողովուրդն է, բայց այսօր ժողովրդից թաքուն ինչպե՞ս կարելի է անել: Կարելի է ներկայացնել, որ, եթե այսօր ժողովուրդը դեմ չէ, և նախարարներն իրենց գործը լավ կատարել են, խնդիր չկա՝ կարող են տասնապատիկ ավելի աշխատավարձ տալ: Բայց թաքունը վիրավորական է բոլորիս համար՝ և՛ մեր, և՛ ժողովրդի համար: Հեղափոխությունից հետո թաքուն բան անելն անընդունելի է բոլորիս համար»,- այսօր ԱԺ-ում լրագրողների հետ զրույցում նշեց Գագիկ Ծառուկյանը՝ անդրադառնալով ՀՀ վարչապետի գաղտնի հանձնարարականին, որով բարձրացել է նախարարների, փոխնախարարների, գլխավոր քարտուղարների աշխատավարձը:
Նրա բնորոշմամբ՝ այս գործընթացը դատապարտում է՝ հենց միայն այն թաքուն անելու համար:
«Ժողովուրդը հեղափոխություն ինչի՞ համար է արել, ժողովուրդը պատրաստ է ամեն ինչի, բայց պետք է տեղյակ լինի, գիտակցի, լսի: Բայց տեսնում ենք, հեղափոխությունից հետո ասում են՝ թաքուն»,- եզրափակեց Գագիկ Ծառուկյանը:
Մանրամասները՝ տեսանյութում:
Նարեկ Կիրակոսյան
