23.07.2026 | 11:30
Զինծառայողի մահվան գործով երկու համածառայակցի նկատմամբ քրեական հետապնդում է հարուցվել
Ֆրանսիայում հարձակվել են հայկական Nouvelles d’Arménie-ի խմբագրության վրա
Հասարակություն
21.10.2019 | 10:50
Ֆրանսիայում հարձակվել են հայկական Nouvelles d’Arménie ամսագրի՝ Փարիզում գտնվող խմբագրության վրա: Ֆրանսիայում ՀՀ դեսպան Հասմիկ Տոլմաջյանը թվիթերյան գրառմամբ դատապարտել է հարձակումը:
«Ֆրանսիայում Հայաստանի դեսպանությունը խստորեն դատապարտում է Nouvelles d’Arménie ամսագրի խմբագրության վրա իրականացված հարձակումը: Սա լուրջ ոտնձգություն է խոսքի ազատության հանրապետական արժեքների վրա»,- գրել է դեսպանը:
Պարբերականի տվյալներով էլ՝ հարձակումը տեղի է ունեցել հոկտեմբերի 20-ի գիշերը: Անհայտ անձինք կոտրել են խմբագրության դուռը, գողացել լուսանկարչական սարքեր և երեք համակարգիչ, որտեղ գաղտնի տեղեկատվություն է պահվել:
Առայժմ հայտնի չէ, թե ովքեր են կատարվածի հեղինակները:
