02.11.2024 | 10:07
ՀՀ տարածքում ավտոճանապարհներն անցանելի են
ԱԱԾ-ում Հրայր Թովմասյանի աղջիկներից հետաքրքրվել են ունեցած գույքի աղբյուրներից․ փաստաբան. ՏԵՍԱՆՅՈՒԹ
Հասարակություն
18.10.2019 | 18:36
ՍԴ նախագահ Հրայր Թովմասյանի հոր և դուստրերի ԱԱԾ -ում բացատրություն տալուց հետո նրանց փաստաբանները լրագրողների հետ ճեպազրույցում որոշակի մանրամասներ հայտնեցին:
«Հրայր Թովմասյանի աղջիկների բացատրության բովանդակությունից հասկացանք, որ հարցերը հիմնականում վերաբերում էին նրանց սեփականության իրավունքով պատկանող գույքերին, որոնք, ըստ էության, շատ չեն»,- ասաց փաստաբան Հայկ Սարգսյանը:
«Ավագ աղջկա դեպքում համապատասխան գույքը ավտոտնակ է Կենտրոն վարչական շրջանում, որը 2016 թվականին նվիրատվությամբ ստացել է իր մորաքրոջ աղջկանից, իսկ կրտսեր աղջկա միակ գույքը 2014 թվականի արտադրության «Նիսան սենտրա» ավտոմեքենան է, որը կրկին 2016 թվականին ստացել է իր մորաքրոջ աղջկանից»,- ասաց նա:
Փաստաբանը տեղեկացրեց, որ Հրայր Թովմասյանի գործունեության հետ կապված որևէ հարց չի տրվել դուստերին:
Լիլիթ Շաբոյան
