04.04.2026 | 19:00
Ինձ ասում են՝ Աննա Հակոբյանին նկարել եք, իսկ տիկին Բելլայի՞ն, դա ի՞նչ հարց է, շոու մի՛ փնտրեք. Թոքմաջյան. ՏԵՍԱՆՅՈՒԹ
Պավլիկ Մանուկյանը՝ Վիտալի Բալասանյանի կրակոցից վիրավորվելու լուրերի մասին
Քաղաքականություն
15.10.2019 | 16:57
«Սասնա ծռեր» խմբի անդամ, ազատամարտիկ Պավլիկ Մանուկյանը հերքում է լուրերը, թե ինքը երբևէ ցուցմունք է տվել այն մասին, որ ՊՊԾ գնդում Վիտալի Բալասանյանն է կրակել իր ոտքին։
Factor.am-ի հետ զրույցում Մանուկյանն ասաց․ «Դուք ներկա եք եղել մեր գործով դատական նիստերին, ես ե՞րբ եմ նման բան ասել։ Ես երբեք նման ցուցմունք չեմ տվել և նման բովանդակությամբ թղթի տակ չեմ ստորագրել»։
Հիշեցնենք, որ այսօր «Հրապարակ» օրաթերթը հղում անելով իր աղբյուրներին գրել էր, թե «ՊՊԾ-ի գործով չի բացառվում, որ Վիտալի Բալասանյանին մեղադրյալ ճանաչեն․ Պավլիկ Մանուկյանը ցուցմունք է տվել, որ ՊՊԾ գնդում իր ոտքին նա է կրակել»։
Լիլիթ Շաբոյան
