13.12.2025 | 20:31
Սուրեն Պապիկյանն ու Աննա Վարդապետյանն այցելել են հյուսիսարևելյան սահմանագոտի
«Փաշինյանը հայ-վրացական հարաբերությունների համար «ռազմավարական» բառը հնչեցրեց, դա պետք է զարգացնել». փորձագետ. ՏԵՍԱՆՅՈՒԹ
Քաղաքականություն
14.10.2019 | 13:23
Վրաստանի վարչապետ Գեորգի Գախարիայի այցը Հայաստան պաշտոնական է՝ տարածաշրջանային այցի շրջանակում: Պետք է նշել, որ այցը ճանաչողական է, քանի որ Գախարիան վերջերս է նշանակվել Վրաստանի վարչապետ: Այսօր լրագրողների հետ հանդիպմանն այս մասին ասաց վրացագետ Ջոնի Մելիքյանը:
«Կարևորը մեր վարչապետի հետ կոնտակտ հաստատելն է: Տեղյակ եք, որ նախկին վարչապետի հետ բավականին ակտիվ և շատ կառուցողական համագործակցություն կար Նիկոլ Փաշինյանի մոտ, նույնիսկ երկու անգամ ոչ ֆորմալ հանդիպում տեղի ունեցավ: Շատ բան է կախված նրանից՝ արդյո՞ք Գախարիայի հետ կոնտակտը կհաստատվի, թե՞ ոչ»,- ասաց փորձագետը՝ միաժամանակ վստահություն հայտնելով, որ հարաբերություններն ակտիվ, կառուցողական, բարիդրացիական են լինելու նաև Գախարիայի հետ:
Մելիքյանի խոսքով՝ վերջերս հայ-վրացական հարաբերությունների մասին խոսելիս Հայաստանի վարչապետը «ռազմավարական» բառն է հնչեցրել:
«Այդ գաղափարը պետք է զարգացնել, պետք է նույնիսկ նոր նախապատրաստվող ռազմավարության մեջ ֆիքսվի, թե ինչպես ենք մենք տեսնում մեր հարաբերությունները մոտ ապագայում Վրաստանի հետ, և արդեն կառուցենք այդ քաղաքականությունը հարևան Վրաստանի հետ այդ ուղղությամբ»,- ասաց Ջոնի Մելիքյանը:
Մանրամասները՝ տեսանյութում:
