02.07.2026 | 17:43
ՌԴ-ից երկու ռուֆերներ բարձրացել են Նյու Յորքի Empire State Building-ի վրա և այնտեղ նշանվել․ ՏԵՍԱՆՅՈՒԹ
Հայկակ Արշամյանը՝ նախկինում «Հայաստան» համահայկական հիմնադրամը թալանելու մասին. ՏԵՍԱՆՅՈՒԹ
Հասարակություն
14.10.2019 | 12:51
Բարերար, «Հայաստան» համահայկական հիմնադրամի պատվո անդամ Անդրանիկ Բաղդասարյանը նախորդ տարի անդրադառնալով դիտարկմանը, թե տարբեր հայտարարություններ են լինում, որ նախկինում իշխանությունները՝ հանձնիս Սերժ Սարգսյանի, հիմնադրամի գումարները յուրացրել են, ասել էր. «Եթե գողացվում է, ապա կարևորը, որ գողացողը հայ է: Ես վերջին անգամ 1 մլն դրամ նվիրեցի: Ես նախագահին ու վարչապետին չասեցի, թե այս մեկ միլիոն դրամը ինչպես պետք է ծախսեն, ինձ համար կարևորն այն է, որ 1 միլիոն դոլարը շրջանառվի Արցախում: Թալանը կպարզվի, և գողերը կպատժվեն: Մեծ սխալ կլինի, որ ես այդ պատճառով իմ ազգի հանդեպ իմ պարտականությունը չկատարեմ: Ես հիմնադրամին վստահում եմ»:
Այսօր լրագրողների հետ հանդիպման ժամանակ Factor.am-ը «Հայաստան» համահայկական հիմնադրամի գործադիր տնօրեն Հայկակ Արշամյանից հետաքրքրվեց, ինչ քայլեր են ձեռնարկում, որպեսզի բարերարները նվիրատվություն կատարելիս վստահ լինեն, որ իրենց փողերը չեն գողանում:
«Չեմ պատրաստվում նախկինի արված որևէ բանի համար պատասխանատվություն ստանձնել: Մեր կայքի Google քարտեզն այն վառ օրինակն է, որ հիմնադրամի գործունեությունը բաց և թափանցիկ է: Կարիք չի լինի, որ զանգենք հիմնադրամ և հարցնենք՝ այս ինչ ծրագրի համար որքան գումար ծախսվեց: Ամբողջը մեր կայքում բաց դրված է լինելու»,- ասաց նա:
Մանրամասները՝ տեսանյութում:
Նարեկ Կիրակոսյան
