28.11.2024 | 18:43
Սպիտակ տունը հայտարարել է, որ մտադիր չէ միջուկային զենք փոխանցել Ուկրաինային
Ճապոնիայում «Հագիբիս» թայֆունի հետևանքով զոհերի թիվը հասել է 40-ի
Քաղաքականություն
14.10.2019 | 11:24
«Հագիբիս» թայֆունի հետևանքով Ճապոնիայում առնվազն 40 մարդ է մահացել, 16-ն անհետ կորած է համարվում: Անցյալ հանգստյան օրերին թայֆունը հասել է երկրի կենտրոնական և արևելյան շրջաններ: Այս մասին գրում է ՏԱՍՍ-ը՝ վկայակոչելով NHK-ն:
Միաժամանակ, վարչապետ Սինձո Աբեն տարերային աղետների հետևանքների վերացման ճգնաժամային շտաբում խորհրդակցության ժամանակ նշել է, որ աղետից հետո 30 հազար ճապոնացիներ շարունակում են մնալ տարհանման կենտրոններում:
«Քանի որ բազմաթիվ մարդիկ անհետ կորած են համարվում, մենք շուրջօրյա ռեժիմով շարունակում ենք որոնողա-փրկարարական աշխատանքները: Թայֆունի հետևանքով մեծ վնասներ ենք արձանագրել, ներկայում 30 հազար քաղաքացիներ չեն կարողանում վերադառնալ իրենց բնակարանները»,- ասել է վարչապետը:
Աբեն նաև հանձնարարել է տուժած շրջաններում կենսապահովման հատուկ խմբեր ստեղծել, որոնք կօգնեն վերականգնել ջրի և էլեկտրաէներգիայի մատակարարումը, ինչպես նաև հետևել տարհանման կենտրոններում կյանքի պայմաններին:
Թայֆունից տուժած շրջաններում շարունակում են վերականգնել ենթակառուցվածքները: Աշխատանքներում ներգրավվել են նաև փրկարարներն ու Ինքնապաշտպանության ուժերի ստորաբաժանումները: Էլեկտրահաղորդման գծերի խափանման հետևանքով Տոկիոյում և հարևան պրեֆեկտուրաներում շուրջ 53 հազար տուն շարունակում է առանց էլեկտրականության մնալ, ամբողջ երկրում ավելի քան 130 հազար բնակարան էլ զրկված է ջրամատակարարումից:
«Հագիբիս» թայֆունը մեծ ուժգնությամբ Ճապոնիայի տարածքին հարվածել է շաբաթ: Տեղի իշխանությունները երկրի կենտրոնական հատվածի 12 պրեֆեկտուրայում վտանգի առավելագույն մակարդակ են հայտարարել:
