15.12.2025 | 20:00
«Նոա»-ն` պատմական նվաճման շեմին․ ինչ սպասել հաջորդ խաղերում․ զրույց Էդուարդ Քալանթարյանի հետ. ՏԵՍԱՆՅՈՒԹ
Ջո Բայդընի ու Դոնալդ Թրամփի միջև պայքարը ծավալվում է երկու ուղղություններով. VOA
Քաղաքականություն
12.10.2019 | 16:31
Ուկրաինայի նախագահի հետ հեռախոսազրույցի պատճառով ԱՄՆ-ի նախագահի նկատմամբ իմփիչմենթի գործընթաց սկսելու Ներկայացուցիչների պալատի որոշումը ոգեշնչել է եկող ընտրություններում Թրամփի մրցակից Ջո Բայդընին: «Թրամփը կարող է անել ամեն ինչ, որպեսզի վերընտրվի: Նույնիսկ կարող է ոտնահարել ժողովրդավարության ամենահիմնական ձեւերը»,- ասում է Բայդընը, փոխանցում է amerikayidzayn.com-ը:
Հիշեցնենք, որ իմփիչմենթի գործընթաց սկսվեց այն բանից հետո, երբ մի պաշտոնյա, ում անունը չի հրապարակվում, բողոք ներկայացրեց այն մասին, որ Թրամփը կասեցրել է Ուկրաինային հատկացվող ամերիկյան դրամական հատկացումները, պահանջելով ստանալ Բայդընին հեղինակազրկող տեղեկություններ: Բայդընը հերքում է իր ու իր որդու դեմ Ուկրաինայում կոռուպցիայի մեջ ներքաշված լինելու մասին մեղադրանքները ու հաստատակամորեն հայտարարում, թե ինքն է լինելու ընտրություններում Թրամփին պարտության մատնող թեկնածուն: «Ես ընտրարշավին եմ մասնակցում Ամերիկայի ոգին վերականգնելու համար»,- հայտարարում է նա:
Թրամփի աջակիցներն ասում են, թե հարկավոր է ստուգել օտար պետությունների ղեկավարների հետ Բայդընի իրականացրած աշխատանքը, երբ նա երկրի փոխնախագահն էր: «Բայդընը պիտի ամաչեր ինքն իրենից այն խարդախությունների համար, որոնք նա իրականացրել է փոխնախագահի պաշտոնին եղած ժամանակ»,- ասում է Թրամփի ընտրարշավի ղեկավարներից Լոու Գարգիաուլոն:
Իսկ Բայդընը, որպես նախագահի թեկնածու, հաղթելու համար իր հույսը դնում է առաջադեմ տեսակետներ հայտնելով ժողովրդի ավելի մեծ շրջանակների կողմից համակրանք ձեռք բերելու իր ունակության վրա:
Թրամփը սխալ մարդու է ընտրել ում դեմ կարող է պայքարել, ասում էր Բայդընը Նյու Հեմփշիր նահանգում, որտեղ նախնական ընտրություններին մնացել է չորս ամիս: Ինչ վերաբերում է իմփիչմենթի գործընթացին, ապա Բայդընը դեռ երկար կարող է մնալ այս մարտադաշտի կիզակետում:
