07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Ինչքան շատ մարդ է սպանվում, այնքան Ռոբերտ Քոչարյանն ասում է` ուր են սպանությունները. Սեդա Սաֆարյան. ՏԵՍԱՆՅՈՒԹ
Հասարակություն
11.10.2019 | 12:10
«Պաշտպանական կողմն ամեն ինչ անում է, որ Մարտի 1-ի դատավարությունը ուշ սկսվի, մեղադրական եզրակացությունը չհնչի»,- այսօր հրավիրած ասուլիսում ասաց Մարտի 1-ի տուժողների շահերի ներկայացուցիչ, փաստաբան Սեդա Սաֆարյանը։
Նա ընդունում է, որ պաշտպանական կողմին հաջողվում է ազդել դատական պրոցեսի բնականոն ընթացքի վրա, «բայց ազդող չեն այն աստիճան, որ չկարողանաս գործի ժամանակ մասնակցել այնպես, ինչպես հարկն է»։
Տիկին Սաֆարյանն անդրադարձավ Հայկ Հարությունյանի ինքնասպանությանը՝ նկատելով, որ եթե նրա հոգեվիճակը լիներ համապատասխան մարմինների ուշադրության կենտրոնում, դեպքը չէր լինի։
«Նախկին իշխանությունները պատրաստ չեն քրեական պատասխանատվության ենթարկվելու, որովհետև միշտ իրենք են քրեական պատասխանատվության ենթարկել ուրիշներին։ Բայց մենք պիտի կարողանանք պաշտպանել վկաներին, որպեսզի նրանք կարողանան խոսել դատարանում… Բարձիթողի վիճակ տեսնում ենք։ Առանց այն էլ այս 10-11 տարիների ընթացքում շատ դիպուկահարներ, գործի համար առանցքային նշանակություն ունեցող մարդիկ սպանվել են կամ մահացել, որոնց սպանության հանգամանքները հայտնի չեն։ Ինչքան շատ մարդ է սպանվում, այնքան Ռոբերտ Քոչարյանն շուտ-շուտ է ասում՝ ուր են սպանությունները, չեն բացահայտվում»,- ասաց տիկին Սաֆարյանը։
Մանրամասները՝ տեսանյութում:
