10.09.2026 | 22:15
Ադիս Աբեբայում ներկայացվել են COP17-ի՝ ՀՀ նախագահության առաջնահերթություններն ու նախապատրաստական աշխատանքները
Արմենիա ԲԿ-ի կրակոցները հնչել են «Բանդայի» գործով դատապարտյալի հիվանդասենյակում
Հասարակություն
02.10.2017 | 18:14
Ժամեր առաջ «Արմենիա» բժշկական կենտրոնում կրակոցներ են հնչել: «Փաստինֆո»-ին հայտնի դարձավ, որ «Բանդայի» հայտնի գործով անազատության մեջ գտնվող Դավիթ Գալստյանին տեղափոխել են բժշկական կենտրոն հետազոտման նպատակով այդ ընթացքում մեկ այլ անձ է մուտք գործել նրա հիվանդասենյակ և կրակել է հատակին:
Քրեակատարողական հիմնարկի աշխատակիցներին հաջողվել է վնասազերծել դատապարտյալի հիվանդասենյակ մուտք գործած և կրակ արձակած անձին, սակայն այդ ընթացքում դատապարտյալը խլել է ՔԿՀ-ի աշխատակիցներից մեկի զենքը և ևս կրակել է հատակին, որից հետո փախուստի է դիմել, թեև հիվանդանոցից դուրս գալ չի հաջողվել. նրան էլ վնասազերծել են ոստիկանները:
Դեպքի վերաբերյալ «Փաստինֆո»-ի թղթակիցը Քննչական կոմիտեից տեղեկացավ, որ ահազանգ են ստացել այն մասին, որ ՔԿՀ-ից դատապարտյալին տեղափոխել են ԲԿ հետազոտման նպատակով և նրա հիվանդասենյակում կրակոցներ են հնչել, ապա դատապարտյալը փախուստի փորձ է կատարել և ՔԿՀ-ի աշխատակիցներին և ոստիկաններին հաջողվել է վնասազերծել դատապարտյալի հիվանդասենյակ մուտք գործած անձին և դատապարտյալին:
ՔԿ-ից նաև տեղեկացանք, որ այս պահին դեպքի վայրում է գտնվում քննչական խումբը և իրականացվում են քննչական և դատավարական գործողություններ:
