27.09.2026 | 17:39
Բիլ Գեյթսը զգուշացրել է, որ արհեստական բանականության պատճառով կարող է մինչև մեկ միլիարդ մարդ մահանալ
Աբխազիայի նախագահը երդվել է և անցել պարտականությունների կատարմանը
Քաղաքականություն
09.10.2019 | 14:56
Աբխազիայի ընտրված նախագահ Ռաուլ Խաջիմբան չորեքշաբթի Սահմանադրական դատարանի դատավորների և երկրի խորհրդարանի պատգամավորների ներկայությամբ երդվել է և անցել պարտականությունների կատարմանը: Այս մասին գրում է ՌԻԱ Նովոստին:
Երդմնակալության արարողությունը բացել է Աբխազիայի խորհրդարանի խոսնակ Վալերի Կվարչիան:
«Աբխազիայի նախագահի ընտրությունները հաստատեցին մեր երկրում ժողովրդավարական սկզբունքներին հավատարմությունը և ցուցադրեցին Աբխազիայի՝ կայացած պետություն լինելը»,- ասել է խորհրդարանի խոսնակը:
Խաջիմբան աբխազերեն երդվել է Սահմանադրության վրա, այնուհետև երկրի օրհներգի ներքո ստացել նախագահական իշխանության ատրիբուտները:
Նշենք, որ Ռաուլ Խաջիմբան հաղթանակ է տարել սեպտեմբերի 8-ին անցկացված նախագահի ընտրությունների երկրորդ փուլում: Նա ստացել է 47.39%, նրա մրցակից Ալխաս Կվիցինիան՝ 46.19% ձայն:
