Քաղաքականություն
09.10.2019 | 12:40«Ես տրամաբանություն չեմ տեսնում Վիտալի Բալասանյանի ասածներում, հետևաբար չեմ կարող մեկնաբանել տրամաբանության բացակայությունը»,- այսպես է անդրադառնում Վիտալի Բալասանյանի երեկվա հայտարարություններին ԱԺ «Իմ քայլը» խմբակցության անդամ Վահագն Թևոսյանը։
Նա ուզում է հասկանալ, թե ի՞նչ նկատի ունի Արցախի հերոսը, երբ ասում է, որ Նիկոլ Փաշինյանը բռնազավթել է իշխանությունը։ «Ես էլ կարող եմ ասել, որ այս սպիտակ պատը կարմիր է»,- հակադարձում է պատգամավորը։
Նա, այնուամենայնիվ, չի մտածում, թե Բալասանյանի ձայնն Արցախի ձայնն է։ Ուղղակի ցավ է զգում, որ դա անում է մի մարդ, որը հարգանքի և պատվի է արժանի։ Նա ենթադրում է, որ նման հայտարարություններ պարոն Բալասանյանն անում է քաղաքական պայքարում դիվիդենտներ հավաքելու մղումով։
«Ինձ չի վախեցրել նրա հայտարարությունները, բայց դրանցում անհավասարակշռություն կար։ Տարօրինակ տեքստեր էին, շատ տարօրինակ, չէի հավատում աչքերիս ու ականջներիս»,- ամփոփում է Թևոսյանը։
Մանրամասները՝ տեսանյութում:
