29.03.2026 | 17:19
3 անձ է ձերբակալվել Փաշինյանի մասնակցությամբ եկեղեցում տեղի ունեցած միջադեպից հետո
Եթե ՍԴ-ն դեմ քվեարկի ԱԺ դիմումին, մենք պետք է հաշտվենք դրա հետ. Էդմոն Մարուքյան. ՏԵՍԱՆՅՈՒԹ
Քաղաքականություն
07.10.2019 | 12:36
«Մենք գտնում ենք, որ կան կարգապահական խախտման հիմքեր։ Հիմա եթե ՍԴ-ն գտնի, որ չկան էդ հիմքերը, այլ մեխանիզմ էդ հիմքերն առաջ տանելու, չկա։ Հետևաբար դրանից հետո չկա ոչ մի բան, էդ որոշման հետ պետք է հաշվի նստել»,- ԱԺ բրիֆինգների ժամանակ հայտարարեց ԱԺ «Լուսավոր Հայաստան» խմբակցության ղեկավար Էդմոն Մարուքյանը։
Նա տեղյակ չէր, թե ինչ նախաձեռնությամբ է հանդես եկել իր խմբակցության նախկին անդամ Արման Բաբաջանյանը, որը Դատախազություն է դիմել ՍԴ նախագահի նկատմամբ քրեական գործ հարուցելու պահանջով, սակայն նկատեց, որ այն խախտումը, որին ուշադրություն է դարձրել պարոն Բաբաջանյանը, ժամանակին իրենք խոսել են այդ մասին։
«Հրայր Թովմասյանը եկել էր մեզ հանդիպելու, տրված հարցերի մեջ դա էլ կար, մենք դեմ ենք քվեարկել։ Սակայն քրեաիրավական գնահատականի տեղ ես այդտեղ չեմ տեսնում։ Եթե լիներ նման բան, «Իմ քայլի» անդամները վաղուց էին նախաձեռնել։ Հիմա ի՞նչ։ Որ Գագիկ Հարությունյանը շուտ է հրաժարական տվել կամ Հրայր Թովմասյանը շուտ է առաջադրվել, քրեական ո՞ր հոդվածով նրան պետք է դատել»,-հարցնում է պարոն Մարուքյանը։
Նա կարծում է, որ իշխող ուժը Հրայր Թովմասյանի խնդիրը սարքել է «հայոց հարց»։
Մանրամասները՝ տեսանյութում:
Մհեր Արշակյան
