08.11.2026 | 00:09
Կրակոցներ Կրակովի կենտրոնում․ զոհերի թիվը հասել է 6-ի, կա 15 վիրավոր
«Հուսով եմ՝ «Սանիթեքը» չի դիմի արբիտրաժային դատարան, և քաղաքապետարանը խնդրի առաջ չի կանգնի». Թեհմինա Վարդանյան. ՏԵՍԱՆՅՈՒԹ
Հասարակություն
04.10.2019 | 11:54
«Սանիթեքի» հետ պայմանագրի խզումն այս պարագայում միակ ողջամիտ որոշումն էր, քանի որ քաղաքային իշխանությունների և «Սանիթեքի» միջև արդեն մեկ տարի տևող այս փոխհրաձգությունը պետք է ավարտվեր։ Այս մասին այսօր՝ «Երևանը հրաժարվում է Սանիթեքից․ աղբահանության նոր մոդելը» թեմայով քննարկման ընթացքում նշեց Երևանի ավագանու «Լույս» խմբակցության անդամ Թեհմինա Վարդանյանը։
«Հուսով եմ՝ «Սանիթեքը» չի դիմի արբիրտրաժային դատարան, և մենք լուրջ խնդիրների առաջ չենք կանգնի։ Չեմ ուզում նույնիսկ պատկերացնել, որ «Սանիթեքը» պայմանագրի մեջ կգտնի որևէ կետ, որով կարողանա արդարացնել իր անգործությունը և քաղաքապետարանի հետ վերջին մեկ տարվա ընթացքում իր հարաբերությունները»,- ընդգծեց ավագանու անդամը։
Անդրադառնալով աղբահանության նոր մոդելին, Թեհմինա Վարդանյանը նշեց․ «Ես չէի ողջունում աղբահանության համայնքային հիմնարկի գաղափարը, բայց հիմա մենք այն ունենք, և,հուսով եմ, որ նրանք կաշխատեն ավելի թիմային, հստակ քարտեզներով ու կետերով, ավելի ողջամիտ կգտնվեն, և քաղաքը դուրս կբերեն վատ վիճակից։ Բոլորս տեսնում ենք, որ քաղաքի աղբահանությունը վերջին 10-15 օրվա ընթացքում բավարար վիճակում է գտնվում, սակայն այս տեմպը ոչ թե պետք է պահպանվի, այլ՝ բարելավվի»։
Մանրամասները՝ տեսանյութում։
Նելլի Մելքոնյան
