17.11.2024 | 14:19
Նոյեմբերի 18-ի երեկոյան ժամերին և 19-ին սպասվում է կարճատև անձրև
Աղվան Հովսեփյանի հետ փոխկապակցված ընկերությունը 295 մլն դրամի ծառայություն է մատուցելու առողջապահության նախարարությանը. ԼՈՒՍԱՆԿԱՐՆԵՐ
Քաղաքականություն
03.10.2019 | 22:44
Կառավարության այսօրվա նիստում չզեկուցվող նախագծերից մեկով որոշվեց առողջապահության նախարարությանը պահուստային ֆոնդից տրամադրել 295 մլն 850 հազար դրամ:
Նախագծի համաձայն՝ առողջապահության նախարարությունը նշյալ գումարով շտապ օգնության նոր մեքենաներ է գնելու: Ձեռք են բերվելու շտապ օգնության 7 գծային տիպի և 3 ռեանիմոբիլ մեքենաներ: Փաստաթղթի համաձայն՝ մատակարարը «Տելիա-Մեդ» ՓԲԸ-ն է, որն ընտրվել է մրցույթով: «Տելիա-Մեդ» ՓԲԸ-ն պատկանել է նախկին գլխավոր դատախազ Աղվան Հովսեփյանի որդուն՝ Միսակ Հովսեփյանին:
Իրավաբանական անձանց պետական ռեգիստրից Factor.am-ը տեղեկացավ, որ «Տելիա-Մեդ» ՓԲԸ-ի տնօրենը տասը տարի՝ 2006-2016 թվականներին, եղել է Միսակ Հովսեփյանը: Այնուհետև ընկերության տնօրեն դարձել է Հրաչյա Արմենակի Հովսեփյան անունով քաղաքացի: Իսկ ահա 2019 թվականի մարտից «Տելիա-Մեդ» ՓԲԸ-ի տնօրեն է դարձել Նորա Էմինի Բարսեղյանը:
ՀՀ ընտրողների ռեգիստրից էլ Factor.am-ը տեղեկացավ, որ Նորա Էմինի Բարսեղյանը հաշվառված է նույն հասցեում, ինչ Աղվան Հովսեփյանի որդին՝ Միսակ Հովսեփյանը:
Նրանք հաշվառված են Երեւան քաղաքի Մալաթիա-Սեբաստիա վարչական շրջանի Ծերենցի փողոցի բնակարաններից մեկում: Նույն հասցեում է հաշվառված նաեւ նախկին գլխավոր դատախազ Աղվան Հովսեփյանը:
Ի դեպ, հեղափոխությունից հետո, երբ վերաբացվել եւ ակտիվ ընթանում է Մարտի 1-ի արյունալի իրադարձությունների քրեական գործը, շատերի մոտ հարց է առաջանում, թե ինչու Աղվան Հովսեփյանը գործով որպես մեղադրյալ չի անցնում:
Նարեկ Կիրակոսյան
